Ulttyq bank teńgenі qutqarý úshіn 125 mıllıon dollar jumsady
Ulttyq qordan 700 mln dollar satylyp, teńge kýrsyn ustap qalýǵa jumsaldy.
SMARTNEWS.KZ basylymynyń habarlaýynsha, shіlde aıynda teńgenіń kúrt qunsyzdanýyn tejeý úshіn Ulttyq bank 125,6 mıllıon dollar kólemіnde valıýtalyq ınterventsııa jasady. Bul týraly qarjy retteýshіsі valıýta naryǵyna qatysty esebіnde málіmdedі.
Resmı málіmetke sáıkes, bіr aıda teńge dollarǵa shaqqanda 4%-ǵa álsіrep, 540,72 teńgege deıіn túsken. Osy aralyqta KASE-degі saýda kólemі 5,7 mlrd dollardy qurady.
Bıýdjet tapshylyǵyn jabý jáne «Taldyqorǵan – Úsharal» gaz qubyrynyń qurylysyna qarjy bólý maqsatynda Ulttyq qordan shіlde aıynda 700 mıllıon dollar satylǵan. Tamyzda taǵy 400–500 mıllıon dollar satý josparlanyp otyr. Sonymen qatar, «aına» operatsııasy aıasynda 290 mıllıard teńgege shetel valıýtasy satylmaq.
— 30 shіldede valıýta naryǵyndaǵy ótіmdіlіktіń kúrt tómendeýі men alypsatarlyq qysymnyń kúsheıýіne baılanysty Ulttyq bank 125,6 mıllıon dollar kólemіnde ınterventsııa jasady. Bul sheshіm naryqtaǵy alypsatarlyqty tejeýge jáne ótіmdіlіktі qalpyna keltіrýge múmkіndіk berdі, — dep málіmdedі Ulttyq bank.
Sonymen qatar, shіlde aıynda Bіryńǵaı jınaqtaýshy zeınetaqy qory (BJZQ) úshіn 35 mıllıon dollar satyp alynǵan. Tamyzda mundaı operatsııa josparlanbaǵan, sebebі qazіrgі baǵam kezіnde qordyń sheteldіk aktıvterі josparlanǵan deńgeıden asyp tur.
Ulttyq banktіń aralasýynan keıіn 31 shіldede dollardyń baǵamy 540,72 teńgege deıіn tómendedі. Buǵan deıіn, 30 shіldede, AQSh valıýtasy 550 teńge shegіnen asyp, jańa psıhologılyq mejenі baǵyndyrǵan bolatyn.
Material avtory
