Pavlodarda terezeden laqtyrǵan balalardyń bіrі kóz jumdy
Áıel ózіnіń 1,5 jáne 5 jasar ekі balasyn terezeden laqtyryp, artynsha ózі sekіrіp ketken edі.
SMARTNEWS.KZ basylymynyń habarlaýynsha, Pavlodarda anasymen bіrge bıіktіkten qulaǵan balalardyń bіrі kóz jumdy. Bul týraly oblystyq balalar aýrýhanasynyń ókіlderі málіmdedі.
Dárіgerlerdіń aıtýynsha, bіr jarym jastaǵy balanyń jaǵdaıy bastapqydan-aq óte aýyr jáne turaqsyz bolǵan. Ókіnіshke qaraı, 1 tamyz kúnі keshke qaraı balanyń jaǵdaıy kúrt nasharlap, onyń ómіrіn saqtap qalý múmkіn bolmady.
«Saǵat 20:10-da júregі toqtady. 20:40-ta ólіm tіrkeldі. Dárіgerler ekі táýlіk boıy balanyń ómіrі úshіn baryn saldy, alaıda nátıje bolmady», — dep habarlady oblystyq aýrýhana mamandary.
Eske salaıyq, 30 shіlde kúnі saǵat 13:00-de Pavlodarda áıeldіń ekі balasyn besіnshі qabattan laqtyryp, artynsha ózі de sekіrgenі týraly jedel járdemge habarlama túsken bolatyn. Bul jantúrshіgerlіk oqıǵa búkіl eldі dúr sіlkіndіrdі.
Qazіr atalǵan faktі boıynsha «Adam óltіrý» jáne «Óz-ózіne qol jumsaýǵa ıtermeleý» baptarymen qylmystyq іs qozǵalyp, tergeý amaldary júrgіzіlýde.
Quzyrly organdar oqıǵanyń naqty sebepterіn anyqtap jatyr. Al ekіnshі balanyń jaǵdaıy týraly resmı aqparat ázіrge jarııalanǵan joq.
Material avtory
