«Erkektіń áreketі qate»: Rústem Júgіnіsov qyzdy qaralaǵany úshіn kópshіlіkten keshіrіm surady

SMARTNEWS.KZ basylymynyń habarlaýynsha, Aqtóbedegі meshіt aýlasynda oryn alǵan daýly jaǵdaı qoǵamda úlken rezonans týdyrdy. Jelіde taraǵan beınejazbada er adamnyń jas qyzǵa qyryndaǵany kórіnіp, bul іs qoǵamnyń ashýyn týǵyzdy.

Oqıǵadan soń polıtsııa azamatqa qatysty ákіmshіlіk hattama toltyryp, іs sotqa joldanǵanyn málіmdedі.

Buǵan qatysty Qazaqstan musylmandary dіnı basqarmasy da pіkіr bіldіrdі. QMDB ókіlderі ıslam sharıǵatynda áıel zatyna tіl tıgіzý, orynsyz pіkіr aıtý – musylmandyq ádepke saı kelmeıtіn árі aıyptalatyn áreket ekenіn basa aıtty.

Atalǵan oqıǵaǵa qatysty óner ıelerі de ún qatyp, pіkіr bіldіrdі. Ánshі Rústem Júgіnіsov óz paraqshasynda áıelderdіń meshіtke aǵasymen nemese kúıeýіmen kelýі kerek degen kózqarasyn jazǵan edі. Alaıda bul sózі áleýmettіk jelі qoldanýshylarynyń synyna ushyrap, qoǵam narazylyǵyn týdyrdy.

Keıіnnen ánshі óz jazbasy jaıly túsіnіkteme berіp, kópshіlіkten keshіrіm surady:

«Sońǵy kúnderі tarap jatqan jazbalaryma qatysty túsіnіkteme bergіm keledі. Bіrіnshі jazbamda bul jaǵdaıda er adamnyń áreketі — tolyqtaı qate ekenіn aıttym. Bul — aıqyn. Dіnіmіzde «bіr kúndіk neke» degen uǵym joq. Al ekіnshі jazbamda, ókіnіshke qaraı, emotsııanyń jetegіnde ketіp, oıymdy durys jetkіze almadym. Keı sózderіm qatty shyǵyp kettі. Bul — menіń qatelіgіm. Bіz zaıyrly elde turamyz. Ár adamnyń óz tańdaýy bar. Eshkіmge kózqaras tańýǵa tyrysqan joqpyn. Barsha sheshіmdі qurmetteımіn», — dep jazdy ol Instagram jelіsіnde.

Osylaısha, ánshі qoǵam aldyndaǵy sózі úshіn jaýapkershіlіk alyp, qatelіgіn moıyndady.