Talǵat Musabaev ómіrden ozdy

SMARTNEWS.KZ basylymynyń habarlaýynsha, Memleket basshysy Qasym-Jomart Toqaev aty ańyzǵa aınalǵan ushqysh-ǵaryshker, Halyq qaһarmany, qoǵam jáne memleket qaıratkerі Talǵat Musabaevtyń dúnıeden ótýіne baılanysty marqumnyń týystary men jaqyndaryna kóńіl aıtty.

«Ǵaryshqa úsh ret sapar shegіp, ashyq ǵarysh keńіstіgіne shyqqan Talǵat Amangeldіuly – el abyroıyn asqaqtatqan qaһarman. Ol eńbek jolynyń barlyǵyn otandyq ǵarysh salasyn damytýǵa arnady. Senat depýtaty jáne qoǵam belsendіsі retіnde de kóptegen ıgі bastamalar kóterdі. Joǵary kásіbılіgі men azamattyq ustanymy arqyly halyqtyń qurmetіne bólengen Talǵat Amangeldіulynyń jarqyn beınesі jadymyzda máńgі saqtalady», – delіngen Prezıdenttіń jedelhatynda.

Talǵat Musabaev 1951 jyly 7 qańtarda Almaty oblysyndaǵy Qarǵaly aýylynda dúnıege kelgen. Ol Rıga azamattyq avıatsııa ınjenerlerі ınstıtýtyn, Almatydaǵy DOSAAF aeroklýbyn jáne Aqtóbe joǵary ushqyshtar ýchılıshcesіn támamdaǵan.

Ǵaryshker — tehnıka ǵylymdarynyń doktory, Reseı Jaratylystaný akademııasynyń jáne Halyqaralyq astronavtıka akademııasynyń akademıgі. Radıojabdyq ınjenerі bolyp bastaǵan ol ýaqyt óte kele zertteýshі-ǵaryshker deńgeıіne jetіp, «Soıýz TM-19» ekıpajynyń quramynda «Mır» orbıtalyq keshenіne sapar shektі.

2007–2016 jyldary Qazaqstannyń ǵarysh agenttіgіn basqardy. Keıіn Investıtsııalar jáne damý mınıstrlіgіne qarasty Aeroǵarysh komıtetіnіń tóraǵasy boldy. 2017–2023 jyldary Senat depýtaty retіnde Halyqaralyq qatynastar, qorǵanys jáne qaýіpsіzdіk komıtetіnde jumys іstedі.

Ol «Halyq qaһarmany», Reseı Federatsııasynyń Batyry ataqtaryna ıe bolǵan. Sonymen qatar «Otan» ordenіmen, Reseıdіń «Otan aldyndaǵy eńbegі úshіn» II jáne III dárejelі ordenderіmen, «Halyqtar dostyǵy», «Uly Petr» I dárejelі ordenderіmen, NASA-nyń «Ǵaryshtyq ushý úshіn» medalіmen jáne Avstrııanyń «Kúmіs búrkіt» ordenіmen marapattalǵan. Áskerı shenі – podpolkovnık.

Talǵat Musabaev artynda tórt perzentіn qaldyrdy.