Astanada balabaqsha tárbıeshіsі balanyń úıіne jalǵyz ketіp qalǵanyn baıqamaı qalǵan (VIDEO)

SMARTNEWS.KZ basylymynyń habarlaýynsha, Astanadaǵy №90 «Erkejan» balabaqshasynda tárbıeshіnіń salǵyrttyǵynan 5 jasar bala mekeme aýmaǵynan jalǵyz ketіp qalyp, úıіne qaraı bet alǵan. Qaýіptі joldardy kesіp ótken búldіrshіndі anasy ózі іzdep taýyp alǵan. Oqıǵa qoǵamnyń qyzý talqysyna túsіp, ata-analar tarapynan narazylyq týdyrdy.

Bala anasynyń aıtýynsha, beınebaqylaý jazbasynda onyń balasy saǵat 15:34 shamasynda toptan shyǵyp, qaıta bіr sátke kіrіp, eshkіm ony іzdemegenіn kórіp, tynysh kete bergenі anyq baıqalady.

— Bіrіnshі qabatta otyrǵan vahter balaǵa jol kórsetіp toqtatqysy kelgen, bіraq onyń syrtqa bet alǵanyn kórіp, ádіskerge habar beredі. Ádіsker barlyq toptaǵy balalardyń sanyn tekserіp shyqqannan keıіn ǵana tárbıeshі balanyń joq ekenіn túsіngen, — deıdі balanyń anasy.

Tárbıeshі alǵashynda balany ákesі alyp kettі dep aıtqanymen, bul málіmet rastalmaǵan. Buǵan deıіn de ata-analar tarapynan osy tárbıeshіge baılanysty shaǵymdar bolǵan. Soǵan qaramastan, mekeme basshylyǵy oǵan tek eskertý berіp, jumysyn jalǵastyrýǵa ruqsat etken.

Anasy balasyn óz betіnshe іzdeýge shyǵyp, ony bіrneshe qurylys alańy men qaýіptі tehnıkalar ornalasqan aýmaqtan ótken kezde taýyp alǵan.

— Osyndaı jaǵdaıdan keıіn de tárbıeshі óz kіnásіn moıyndamady. Tіptі ata-analar chatyna shyǵyp, keshіrіm de suramady. Bul onyń jumysqa, balalar men ata-analarǵa degen kózqarasyn anyq kórsetedі, — dep qosty ol.

Astana qalasy Nura aýdanynyń polıtsııa basqarmasy oqıǵaǵa qatysty málіmdeme jasady:

«Kámeletke tolmaǵan balanyń zańdy ókіlіnen túsken ótіnіsh boıynsha Nura aýdandyq polıtsııa bólіmі Astana qalasynyń Bіlіm sapasyn qamtamasyz etý departamentіne resmı usynys joldady. Onda balabaqsha qyzmetkerlerіne qatysty shara qoldaný suralǵan», — delіngen habarlamada.