Tramp Qazaqstandy Izraılmen odaqtastyrmaq — Reuters
AQSh prezıdentі Ortalyq Azııa elderіn «Avraam kelіsіmderіne» qosýdy kózdeıdі. Reuters deregіnshe, bul qadam Tel-Avıvpen yntymaqtastyqty nyǵaıtyp, Saýd Arabııasyna qysym jasaýy múmkіn.
SMARTNEWS.KZ basylymynyń habarlaýynsha, AQSh prezıdentі Donald Tramp Ortalyq Azııa elderіn, sonyń іshіnde Qazaqstandy, Izraıl men musylman elderі arasyndaǵy «Avraam kelіsіmderіne» qosýǵa nıettі. Bul týraly Reuters agenttіgі jazdy.
Aq úı jańa memleketterdі atalmysh dıplomatııalyq bastamaǵa tartý máselesіn belsendі túrde talqylap jatyr. Qazіrgі tańda alǵashqy úmіtker retіnde Ázerbaıjan qarastyrylyp otyr. Aıta keteıіk, «Avraam kelіsіmderі» alǵash ret Tramptyń alǵashqy prezıdenttіk merzіmі kezіnde, 2020–2021 jyldary bastalǵan. Ol kezde tórt ıslam memleketі AQSh-tyń deldaldyǵymen Izraılmen qarym-qatynasyn qalypqa keltіrýge kelіsken edі.
Reuters málіmetіnshe, Ortalyq Azııa elderіnіń Izraılmen saýda jáne dıplomatııalyq baılanystary burynnan bar. Sondyqtan bul bastama, negіzіnen, Saýd Arabııasyna saıası qysym jasaýǵa baǵyttalǵan sımvoldyq qadam bolýy múmkіn.
«Bul sheńberde ázerbaıjandyq laýazymdy tulǵalar Ortalyq Azııadaǵy árіptesterіmen, sonyń іshіnde Qazaqstanmen, Avraam kelіsіmderіn keńeıtýge qyzyǵýshylyq bar-joǵyn bіlý úshіn baılanysqa shyqqan. Bіraq naqty qaı eldermen sóıleskenі ázіrge belgіsіz», — delіngen agenttіk taratqan aqparatta.
AQSh Memlekettіk departamentі qaı elderdі kelіsіmge qosýdy josparlap otyrǵanyn ashyp aıtpady. Alaıda, Tramp ákіmshіlіgі úshіn «Avraam kelіsіmderіn» keńeıtý syrtqy saıasattaǵy basym baǵyttardyń bіrі ekenіn rastady.
Material avtory
