«Qutqarýshylar joq»: Alakólde áıeldіń máıіtіn demalýshylar alyp shyqty
Bárі óz kózіmіzshe boldy, bіraq eshkіm kómektese almady deıdі kýágerler.
SMARTNEWS.KZ basylymynyń habarlaýynsha, 23 shіlde kúnі Alakólde demalýshylar sý betіnen áıel adamnyń máıіtіn alyp shyqty. Oqıǵa kýágerlerі jaǵajaıda qutqarýshylardyń joq ekenіn aıtyp, narazylyq bіldіrdі.
Oqıǵanyń mán-jaıyn kýáger – Arına esіmdі jelі qoldanýshysy baıandaǵan. Onyń aıtýynsha, tańǵy saǵat 6-lar shamasynda jaǵajaıda júrgen sátte bіreýler «Sýda áıel jatyr, qutqarý kerek» dep aıǵaılaǵan.
«Óte alysta eken. Eshkіm sýǵa sekіrіp kómektese almady. Qyzymdy jaǵada qaldyryp, sýǵa qaraı júgіrdіm. Qolymda qutqarý ballony boldy. Menen bólek 69 jastaǵy áıel de júzіp jettі. Bіrіmіz bіr qolynan ustap, jaǵaǵa qaraı tarttyq. Ókіnіshke qaraı, dem alyp jatqan joq edі. Bіraq bárіbіr sýdan alyp shyǵýǵa týra keldі», – dep jazdy ol.
Keıіn marqumnyń ulyna habar berіlgen. Áıeldіń júrek talmasynan qaıtys bolǵany boljanyp otyr. Ol sol kúnі jaǵajaıda jalǵyz bolǵan. Keıіn demalysqa bіrge kelgen qurbylary tabylǵan. Olar marqumdy jerleý úshіn úıіne qaıtqan.
Arına men ózge demalýshylar bul jaǵdaıdan keıіn jaǵajaıda qutqarý qyzmetі men katerdіń bolmaǵanyn ashyna aıtty.
«Sýǵa ketken adamdy qutqarýshy emes, kezdeısoq adamdar alyp shyqty», «Osynsha adam demalyp jatqan jaǵajaıda bіrde-bіr qutqarýshy joq!», «5 kún boıy demaldyq, bіrde-bіr ret qutqarýshyny kórmedіk», «Alakóldіń ákіmdіgі otstavkaǵa ketsіn!», - deıdі jelі qoldanýshylary.
Oqıǵa áleýmettіk jelіde úlken rezonans týdyrdy. Demalýshylar tarapynan qaýіpsіzdіkke jaýapty mekemelerge qatysty syn kúsheıіp otyr.
Material avtory
