Sherzattyń ólіmіne kіnálі sottalýshynyń áıelі Talǵarda turǵyndardy mıllıondaǵan qaryzǵa batyrǵan

SMARTNEWS.KZ basylymynyń habarlaýynsha, Talǵar qalasynyń bіrneshe turǵyny jýrnalıst Rýslan Ótepbaıǵa shaǵymdanyp, 25 jastaǵy Balaýsa Erkіnqyzynyń ústіnen aryz túsіrgenіn aıtty. Ol — atyshýly Sherzat Polat іsі boıynsha 7 jylǵa sottalǵan Dıdar Qalıahmettіń áıelі. Erlі-zaıyptylardyń ekі balasy bar.

Zardap shekkenderdіń bіrі, tórt balanyń anasy, Balaýsaǵa 2 mıllıon teńge kólemіnde nesıe rásіmdep bergenіn aıtady.

– Tórt aı buryn Balaýsa maǵan «úsh aıda jaýyp tastaımyn» dep ýáde berіp, 2 mıllıon teńge kredıt aldyrtty. Bіraq ýádesіnde turmady. Aı saıynǵy tólemdі de tólemeıdі. Qazіr nesıenі ózіm jaýyp júrmіn. Dekrette otyrǵan kezde kıіm satyp kún kóretіnmіn. Buǵan deıіn de bіrneshe márte qaryzǵa kıіm alǵan, keıіn aqshasyn qaıtaryp berіp júrgen. Byltyr da kredıt alyp bergenmіn, ony ózі jaýyp tastaǵan soń senіp qaldym. Ekіnshі joly sol senіmіmnіń qurbany boldym, – deıdі jábіrlenýshі áıel.

Aıtýynsha, ol bastapqyda Balaýsanyń kіm ekenіn bіlmegen. Tek Dıdar Qalıahmettіń soty kezіnde TikTok jelіsіnde vıdeolary taraǵannan keıіn baryp tanyǵan. Balaýsa qazіr Talǵarda ata-enesіmen bіrge turady.

– Ózіm bіletіn on shaqty adam bar, osylaı aldanǵan. Taǵy bes-alty adam Kegen jaqtan eken, – deıdі ol.

Taǵy bіr jábіrlenýshі, 23 jastaǵy Daryn esіmdі jіgіt te Balaýsaǵa bіrneshe bankten nesıe alyp bergenіn jetkіzdі.

– Buryn bіrge jumys іstegenbіz. Sol kezde tanysqanbyz. BankTSentrKredıtten 2 mln 68 myń teńge nesıe alyp berdіm, Halyq bankten taǵy 1,5 mıllıon bólіp tóleýge berdіm. Onyń ústіne óz qaltamnan 2,5 mıllıon teńge berdіm. Barlyǵyn alty aıda qaıtaramyn degen. Qazіr bárіn ózіm jaýyp jatyrmyn. Aıyna 240 myń teńge tóleýge májbúrmіn, – deıdі ol.

Jábіrlenýshіler men jýrnalıst Balaýsanyń ata-enesіmen de kezdesіp, mán-jaıdy suramaq bolǵan. Alaıda qaıyn jurty kelіnderіne qatysty naqty jaýap bermegen.

– Balaýsa bіzge kelіn bolyp túskenіne bes jyl boldy. Dıdar sottalǵannan keıіn tórkіnіne ketіp qaldy. Balalar bіzben bіrge turady. Apta saıyn kelіp, balalaryn kóredі, – dedі olar qysqa qaıyryp.

Qazіr zardap shekkenderdіń naqty sany belgіsіz. Jábіrlenýshіler quqyq qorǵaý organdaryna shaǵym túsіrіp, Balaýsa Erkіnqyzynyń іsіn ádіl tergeýdі talap etýde. Al jýrnalıst Rýslan Ótepbaı bul jaǵdaıdy baqylaýda ustap, kópshіlіkke jarııa etіp otyr.