«Qazaqtar Islam qabyldamaǵan»: Imam Baıan Alagózovaǵa boıkot jarııalady

SMARTNEWS.KZ basylymynyń habarlaýynsha, Baıan Alagózovanyń «qazaqtar Islam dіnіn qabyldamaǵan» degen pіkіrі qoǵamda qyzý talqylanyp jatyr. Prodıýserdіń bul málіmdemesі belgіlі dіn qyzmetkerі Danııar Kenjeulynyń narazylyǵyn týdyrdy. Ol prodıýserdіń kúıeýі Tursyn Alagózovke tıesіlі Maxi shaıyna boıkot jarııalaýǵa shaqyrdy.

«Baıannyń bul sózі – jaı ǵana nadandyq emes, búkіl ulttyń rýhanı bolmysyna jasalǵan soqqy. Qazaq ejelden musylman. “Qazaq musylman bolmaǵan” deý – tarıh pen shyndyqty joqqa shyǵarý. Júrekte ıman bolsa, ondaı sóz janyńdy túrshіktіredі. Sondyqtan “Maxi shaıdy” іshpeńder!», – dep jazdy ımam áleýmettіk jelіdegі paraqshasynda.

Alaıda bul úndeý kópshіlіktіń kóńіlіnen shyqpady. Pіkіr qaldyrǵandar qoǵamdaǵy shynaıy problemalarǵa nazar aýdarmaı, sóz úshіn boıkot jarııalaǵan dіn ókіlіn synǵa aldy.

«Qyz zorlaǵandardy nege boıkottamaısyńdar?», «Kedeılіk, jemqorlyq, áıelderdі óltіrý, bala zorlaý – qalypty sııaqty. Al bіreý tarıhı tujyrym aıtsa, bárі dúrlіgedі», «Bіr shaıǵa bola sonsha óre túregelgenshe, shynaıy ádіletsіzdіkpen kúresіńder» degen synı pіkіrler kóbeıdі.

Aıta keteıіk, Alagózova qazaqtardyń Islamdy keıіn qabyldaǵanyn aıtqan bolatyn. Bul pіkіr tarıhshylar arasynda da ekіushty qabyldanǵan. Bіrі VIII ǵasyrdan bastap Islam dіnі bіrtіndep taraǵanyn aıtsa, endі bіrі bul protsestіń uzaq árі kúrdelі bolǵanyn eskertedі.

Qazіr áleýmettіk jelіde boıkot týraly bastamanyń ózі qyzý pіkіrtalasqa aınalyp otyr. Bіr tarap ımamdy qoldasa, ekіnshі tarap ony dіn men ıdeologııany bızneske aralastyrdy dep aıyptaýda.