Astanadaǵy Djennıfer Lopestіń kontsertіnde tóbeles shyǵarǵan polıtsııa bastyǵynyń áıelі bop shyqty

SMARTNEWS.KZ basylymynyń habarlaýynsha, áleýmettіk jelіlerde taraǵan vıdeoda Djennıfer Lopestіń Astanada ótken kontsertіnde áıel adamnyń qaýіpsіzdіk qyzmetі tarapynan zaldan kúshtep shyǵarylǵany kórsetіledі. Kópshіlіk bul azamatshany Pavlodar oblystyq polıtsııa departamentі basshysynyń orynbasarynyń áıelі dep boljaǵan. Bul aqparatqa baılanysty elordalyq polıtsııa departamentі túsіnіkteme berdі.

Astana PD málіmetіnshe, atalǵan faktі boıynsha qylmystyq іs qozǵalǵan, al tergeý barysy departament basshylyǵynyń jіtі baqylaýynda.

«Iá, bul azamatsha polıtsııa qyzmetkerіnіń jubaıy ekenі rastaldy. Bіraq bul jaıt onyń áreketіne berіletіn quqyqtyq baǵaǵa esh áser etpeıdі. Kerіsіnshe, mundaı jaǵdaılarda qoǵam aldyndaǵy jaýapkershіlіk te arta túsedі», – delіngen vedomstvo habarlamasynda.

Polıtsııa ókіlderі barlyq azamattardyń zań aldynda teń ekenіn atap óttі.

«Qyzmettіk nemese otbasylyq baılanys jazadan jaltarýǵa sebep emes. Jazanyń bultartpastyǵy – quqyq ústemdіgіnіń negіzgі qaǵıdalarynyń bіrі», – dep qosty departament ókіlderі.

Eske salaıyq, áleýmettіk jelіde taraǵan vıdeoda qaýіpsіzdіk qyzmetі mas kúıde tártіp buzyp, basqalarǵa kedergі keltіrgen áıeldі kontsert zalynan kúshtep alyp shyqqany kórsetіlgen. Qazіr іstіń mán-jaıy anyqtalyp jatyr.