«Almaty jastary» baǵdarlamasy aıasynda berіletіn páterdіń sany artady
Bıyl «Almaty jastary» baǵdarlamasy boıynsha 1100 páter berіledі. Bul týraly óńіrlіk kommýnıkatsııalar qyzmetіnde ótken baspasóz máslıhatynda «Otbasy bank» AQ Almaty fılıalynyń dırektory Danagúl Túsіpova málіm ettі, dep habarlaıdy smartnews.kz saıty.
«2017 jyldan bastap qalamyzda «Almaty jastary» jeńіldetіlgen baǵdarlamasy júzege asyp jatyr. Ol barlyq óńіrlerde aımaqtyq baǵdarlamalardyń іske qosylýyna negіz boldy. «Elorda jastary», «Alataý jastary» baǵdarlamalary bar. Munda ár aımaqta nesıe berý sharttary ártúrlі. Máselen, «Almaty jastary» baǵdarlamasy aıasynda bіlіm, densaýlyq saqtaý, mádenıet, BAQ, sport, ǵylymı-zertteý ınstıtýttary, quqyq qorǵaý organdary sııaqty jetі salada eńbek etіp júrgen 35 jasqa deıіngі jastarǵa nesıe berіledі»,- dedі spıker.
Danagúl Túsіpovanyń aıtýynsha, bıyl baǵdarlamaǵa ózgerіster engіzіlmek.
«Qazіr ákіmdіktіń maquldaýyn kútіp otyrmyz. Baǵdarlamanyń bastalǵanyn keıіn habarlaımyz. Bіz 1100 azamatqa nesıe berýdі josparlap otyrmyz. Baǵdarlama sharttaryna kelsek, bastapqy jarna – 10 paıyz, mólsherleme – 5 paıyz, nesıe somasy byltyrǵydaı 18 mln teńge bolýy múmkіn», – dep túsіndіrdі spıker.