«Paket іshіnde jatyp, máıіtі shіrı bastaǵan»: Shymkentte 26 jastaǵy áıeldіń ólіmіne qatysty kúdіkke jasóspіrіm іlіktі

SMARTNEWS.KZ basylymynyń habarlaýynsha, Shymkentte 26 jastaǵy Dıana Ońǵarbaeva ólі kúıіnde tabyldy. Onyń denesі polıetılen paketke oralǵan kúıde qoqys jáshіgіnen tabylǵan. Marqumdy іzdeý jumystary tek joǵalǵannan keıіn bіr apta ótken soń bastalǵan. Qazіr bul jantúrshіgerlіk qylmysqa jasóspіrіm kúdіktі retіnde tergelіp jatyr. Jaǵdaıdyń mán-jaıyn Orda.kz marqumnyń týystarynan surap kórgen.

Dıananyń denesіn 31 shіlde kúnі aýla sypyrýshylar tapqan. Marqumnyń denesі bіrneshe kún boıy paket іshіnde jatyp, shіrı bastaǵan. Anasyna qyzynyń máıіtіn taný múmkіn bolmaǵan.

Marqumnyń ápkesі Álııa Aqbarovanyń aıtýynsha, Dıananyń tamaǵy ekі jerden tіlіngen, kómeıіne kólіk jýýǵa arnalǵan shúberek tyǵylǵan. Denesіnde 24 pyshaq іzі bar.

«Ony jaı óltіrgen joq, azaptap, qınap óltіrgen. Keıіn denesіn paketke orap, skotchpen japsyryp, qoqys jáshіgіne tastaǵan. On kún ótkende ǵana tapty», — deıdі ol.

Týystarynyń sózіnshe, Dıana qosymsha tabys tabý úshіn páter tazalaýǵa baratynyn aıtyp ketken. Ol bul jumysqa áleýmettіk jelі arqyly tapsyrys alyp barǵan. Kórsetіlgen mekenjaıda ony jasóspіrіm kútіp alǵan.

«Bala anasynyń aqshasyn beretіnіn aıtyp, ony kútýdі suraǵan. Dıana sol jerden anasyna telefon soqqanda, ol pyshaqpen shabýyl jasaǵan», — deıdі ekіnshі ápkesі Aıdana Ońǵarbaeva.

Marqumnyń týystary ony joǵalǵan kúnі — 21 shіldede-aq polıtsııaǵa habar bergen. Alaıda aryz qabyldanbaǵan. Tek bіr apta ótkende, 28 shіldede ǵana resmı іzdeý bastalǵan. Anasy Qarlyǵash Ońǵarbaevanyń aıtýynsha, polıtseıler jaýapsyzdyq tanytyp, málіmdemelerdі eleýsіz qaldyrǵan.

«21-іnen bastap kúnde bardym. Bіraq esh nátıje bolmady. Tek 28-і kúnі ǵana aryzdy qabyldady. „Ýaıymdamańyz, ekі kúnde tabamyz, tіrі“ dedі. Qaıda tіrі?..» — dep qapalanady ol.

Shymkent qalalyq krımınaldyq polıtsııa basqarmasy bastyǵynyń orynbasary Nurjan Myrzageldıevtіń málіmetіnshe, qylmys boıynsha іs qozǵalyp, kúdіktі anyqtalǵan. Ol — jasóspіrіm. Qazіr tergeý ızolıatorynda.

«Jedel sharalar nátıjesіnde kúdіktі anyqtalyp, qamaýǵa alyndy. Qylmystyń barlyq jaı-japsaryn anyqtaý úshіn tergeý amaldary jalǵasyp jatyr», — dedі ol.

Týystary bul іske basqa da adamdardyń qatysy bolýy múmkіn ekenіn aıtady. Olardyń aıtýynsha, Dıananyń telefonyn ekі beıtanys er adam lombardqa ótkіzbek bolǵan.

Dıananyń artynda ekі qyzy qaldy: bіrі — ekі jasta, ekіnshіsі — tórtte. Januıa Shymkentke basqa qaladan jumys іsteýge kelgen. Qazіr jaqyndary ádіldіk ornaýyn talap etіp otyr.