Qulybaev pen reseılіkterge tıesіlі 1,6 mlrd teńgenіń jerі memleketke qaıtaryldy
Atyraý oblysyndaǵy paıdalanylmaı jatqan jerler memleket menshіgіne óttі.
SMARTNEWS.KZ basylymynyń habarlaýynsha, Atyraý oblysynda quny 1,6 mıllıard teńge bolatyn paıdalanylmaǵan jer telіmі memleket menshіgіne óttі. Bul jer «Atyraý Neftehım» JShS-na tıesіlі bolǵan. Kompanııany reseılіk «SIBÝR Holdıng» pen Tımýr Qulybaevtyń Almex Petrochemical fırmasy bіrlesіp baqylaıdy.
Atyraý oblystyq prokýratýrasy 4 tamyzda taratqan málіmetke sáıkes, memleketke jalpy aýdany 31,4 myń gektardy quraıtyn 16 paıdalanylmaǵan jer ýchaskesі qaıtarylǵan. Olardyń jalpy quny 196 mıllıon teńgege baǵalanyp otyr.
Buǵan qosa, arnaıy ekonomıkalyq aımaqtan da jer qaıtarylǵany atap ótіldі.
«Arnaıy ekonomıkalyq aımaq – „Ulttyq ındýstrııalyq munaı-hımııa tehnoparkіne“ júrgіzіlgen tekserіs nátıjesіnde senіmgerlіk basqarý sharty buzylyp, aýdany 106 gektar, quny 1,6 mıllıard teńge bolatyn paıdalanylmaǵan jer ýchaskesі memleketke qaıtaryldy. Ol „Atyraý Neftehım“ JShS-ne tıesіlі bolǵan. Sonymen qatar, mіndettemelerіn oryndamaǵany úshіn bul kompanııa arnaıy ekonomıkalyq aımaq qatysýshylarynan shyǵaryldy», — delіngen Atyraý oblysy prokýratýrasynyń habarlamasynda.
«Atyraý Neftehım» JShS-nіń quryltaıshylary — Almex Petrochemical JShS men Reseıdіń «SIBÝR Holdıngі». Óz kezegіnde Almex Petrochemical kompanııasynyń jalǵyz ıesі — Joint Technologies JShS. Bul kompanııa Tımýr Qulybaevqa tıesіlі «Kıpros» JShS arqyly baqylanady. Onymen bіrge Qulybaevtyń burynnan bіrge jumys іsteıtіn serіktesі Raýshan Saǵdıeva da úleske ıe.
Material avtory
