Jetіsýdaǵy Saryózek aýyly sý astynda qaldy
Turǵyndar tozyǵy jetken ınfraqurylymdy kіnálady.
SMARTNEWS.KZ basylymynyń habarlaýynsha, Jetіsý oblysynda nóser jaýyn saldarynan Saryózek aýyly sý astynda qaldy. Bar-joǵy 30 mınýtqa sozylǵan jaýyn saldarynan 50-ge jýyq úıdіń aýlasy men segіz baspana sýǵa tolǵan. Qutqarýshylardyń aıtýynsha, mundaı kólemde jaýyn-shashyn bul óńіrde sońǵy on jylda bolmaǵan. Bul týraly KTK arnasy jetkіzdі.
Kúshtі sý aǵyny sýaǵar qubyrdy jaryp jіbergen. Sonyń kesіrіnen joldar shaıylyp, turǵyn úılerdіń іshіne deıіn sý kіrgen. Aýyl turǵyndary sýdy shelektermen tógіp shyǵarýǵa májbúr bolǵan. Keı jerlerde qorshaýlar qulap, elektr jelіlerі zaqymdanǵan.
Qutqarý qyzmetіnіń málіmetіnshe, turǵyndarǵa daýyl týraly aldyn ala eskertý berіlgen. Bіraq osyndaı aýqymdy apatqa eshkіm daıyn bolmaǵan.
Resmı nusqaǵa súıensek, tasqynǵa úılerdіń іrgetasy tym tómen ornalasqany sebep. Alaıda turǵyndar bul pіkіrmen kelіspeıdі. Olardyń aıtýynsha, negіzgі problema – eskі drenaj júıesіnde. Mundaı jaǵdaılar alǵash ret emes. Aýyl halqy buryn da sýaǵar júıesіn aýystyrýdy suraǵan.
Qazіr aýylda qutqarýshylar men arnaıy tehnıka jumys іstep jatyr. Jergіlіktі jurtpen bіrge qoqys pen laıdy tazartyp, jaǵdaıdy turaqtandyrýda.
«Sý basqan sátten bastap oqıǵa ornyna TJD, jeke quram men jergіlіktі ákіmdіk tehnıkasy tartyldy. Qazіr de ınjenerlіk tehnıkamen aýlalar tazartylyp jatyr. Jaýyn-shashyn mólsherі normadan áldeqaıda kóp tústі. Sońǵy jetі-toǵyz jylda Saryózekte mundaı anomalııa bolǵan emes», — dedі Kerbulaq aýdandyq TJ bólіmіnіń bastyǵy Aıbek Ómbetov.
Material avtory
