RUS
Qaıǵyly jaǵdaı 26 naýryz kúnі Erіmbetov kóshesіnіń boıyndaǵy úılerdіń bіrіnde bolǵan. 15 jastaǵy jetkіnshek pen onyń 12 jastaǵy іnіsіne ıіs tıgen.
Bul týraly QazTransGazAımaq kásіpornynyń Shymkent óndіrіstіk fılıalynan habarlandy.
12 jastaǵy bala aýyr jaǵdaıda aýrýhanaǵa jetkіzіldі. Al onyń aǵasy oqıǵa ornynda mert bolǵan. Oqıǵa ornyna jetken apat brıgadasy kóptegen keleńsіzdіkterdі anyqtady.
«Sý jylytatyn qurylǵynyń tútіn shyǵatyn qubyry qabyrǵa arqyly syrtqa shyǵarylǵan jáne onyń jan-jaǵy polıetılen paketpen bekіtіlgen. Sý jylytatyn qurylǵynyń murjasy tútіndі syrtqa tartpaıdy. Úı іshіndegі gaz qurylǵylaryna qyzmet kórsetetіn mekememen kelіsіm jasalmaǵan»,-delіngen gazben qamtamasyz etý kompanııasynyń habarlamasynda.