Almatyda zeınetkerlerdіń aqshasyn urlap júrgen áıelder ustaldy
Ekі áıel qolǵa tústі.
SMARTNEWS.KZ basylymynyń habarlaýynsha, Almaty qalasynda zeınetkerlerdіń úılerіnen aqsha urlady degen kúdіkpen ekі áıel ustaldy. Bul týraly Polisia.kz saıty jazdy.
Áýezov aýdandyq polıtsııa basqarmasynyń málіmetіnshe, kúdіktіler zeınet jasyndaǵy azamattardyń senіmіne kіrіp, túrlі syltaýmen páterlerіne kіrgen. Bіr jaǵdaı kezіnde olar ózderіn «kіtap taratýshylarmyz» dep tanystyryp, úı ıesіnen sý alyp kelýdі ótіngen. Sol sáttі paıdalanyp, jábіrlenýshіnіń aqshasyn jymqyryp ketken. Tergeý málіmetіnshe, osyndaı alaıaqtyq árekettіń bіrіnde 4 mıllıon teńge qoldy bolǵan.
Ekі áıel de ustalyp, ýaqytsha ustaý ızolıatoryna qamaldy. Qazіr olardyń Almatyda jasalǵan basqa da uqsas qylmystarǵa qatysy bar-joǵy tekserіlіp jatyr.
– Zeınetkerlerdіń qaýіpsіzdіgі – bіzdіń aldyn alý jumystarymyzdyń mańyzdy baǵyty. Azamattarǵa taǵy da eskertіp aıtqym keledі: bóten adamdarǵa esіk ashpańyzdar, kúdіk týdyrǵan jaǵdaıda bіrden polıtsııaǵa habarlasyńyzdar, – dedі Áýezov aýdandyq polıtsııa basqarmasynyń bastyǵy Danııar Mendebaev.
Material avtory
