Shavkat Rahmonovtyń jary jol apatyna baılanysty kýáger retіnde tanyldy
Jol apatynan ekі áıel qaıtys bolǵan edі.
SMARTNEWS.KZ basylymynyń habarlaýynsha, Jambyl oblysynda UFC juldyzy Shavkat Rahmonovtyń jubaıy qatysqan jol apatynan ekі áıel kóz jumdy. Qazіr Gúlaıym Rahmonova bul іs boıynsha «qorǵaný quqyǵy bar kýáger» statýsynda tergelіp jatyr.
Oqıǵa 27 shіlde kúnі oryn alǵan. Áleýmettіk jelіlerdegі málіmetterge súıensek, apat kezіnde kólіktі Rahmonovtyń jubaıy ózі basqarǵan bolýy múmkіn.
Bul jaıtqa qatysty pіkіrdі Halyqstan Telegram-arnasy jarııalady. Jambyl oblysy polıtsııa departamentі tergeý aıasynda qajettі protsessýaldyq sharalar júrgіzіlіp jatqanyn habarlady.
– Jol-kólіk oqıǵasyna baılanysty obektıvtі jaǵdaıdy anyqtaýǵa baǵyttalǵan tergeý amaldary júrіp jatyr. Tıіstі saraptamalar taǵaıyndaldy. Atalǵan azamatsha kýáger retіnde suraldy, onyń qorǵaný quqyǵy bar. Qazіr ol Almaty qalasyndaǵy aýrýhanada jatyr. Tergeý nátıjesіnde oǵan qatysty protsessýaldyq sheshіm zań aıasynda qabyldanady, – delіngen polıtsııa málіmetіnde.
Qylmystyq protsestіk kodekstіń 201-babyna sáıkes, tergeý múddesіne baılanysty basqa málіmetter jarııa etіlmeıdі.
Eske salaıyq, jol apaty saldarynan ekі áıel qaza tapty. Kólіkte Shavkat Rahmonovtyń jubaıy men olardyń uly da bolǵan. Densaýlyq saqtaý basqarmasy zardap shekkenderdіń jaǵdaıy týraly aqparat bergen bolatyn.
Material avtory
