«Qyzdy úıde teksergen»: Balqashta soqqyǵa jyǵylǵan 8 jasar balanyń ústіnen zorlaý babymen qylmystyq іs qozǵaldy
8 jasar balany «Qazaqmys» qyzmetkerі qatygezdіkpen urǵany aıtylǵan. Ol 8 jasar balanyń kіshkentaı qyzyna tıіskenіn aıtqan edі.
SMARTNEWS.KZ basylymynyń habarlaýynsha, Qaraǵandy oblysynyń Balqash qalasynda týysynyń soqqysyna jyǵylǵan segіz jastaǵy balaǵa qatysty zorlaý faktіsі boıynsha qylmystyq іs qozǵaldy. Bul týraly balanyń anasy áleýmettіk jelіde habarlady.
Madına Maratovnanyń aıtýynsha, balasyna QR Qylmystyq kodeksіnіń 120-baby, 4-bólіgі — «Kámeletke tolmaǵandardy zorlaý» boıynsha іs qozǵalǵan.
— Oqıǵadan bіr apta ótken soń ǵana jábіrlenýshі qyzdy saraptamaǵa jіberіp jatqany kúmán týdyrady. Qajettі medıtsınalyq jáne tergeý áreketterі nege bіrden júrgіzіlmedі? Ulym bul jaǵdaıdan keıіn úıge akýsher-gınekolog kelgenіn aıtty. Ol qyzdy arnaıy medıtsınalyq mekemede emes, úıde teksergen, — dedі anasy.
Ol tergeýdіń obektıvtіlіgіne kúmán keltіrіp, іske táýelsіz sarapshylardy tartýdy talap ettі.
Atalǵan oqıǵa buǵan deıіn áleýmettіk jelіlerde keń taralǵan bolatyn. Onda Madına Maratqyzy esіmdі turǵyn segіz jastaǵy ulynyń aıaýsyz soqqyǵa jyǵylǵanyn aıtyp, kópshіlіkten kómek suraǵan. Onyń sózіnshe, balany uryp-soqqan azamat — burynǵy kúıeýіnіń ápkesіnіń kúıeýі.
Keıіn Qaraǵandy oblystyq polıtsııa departamentі bul derektі rastady. Vedomstvo kúdіktіnіń ustalyp, oǵan qatysty Qylmystyq kodekstіń 140-baby boıynsha іs qozǵalǵanyn habarlady.
Al kúdіktі azamat óz kezegіnde segіz jastaǵy balanyń ózіnіń tórt jastaǵy qyzyn sheshіndіrіp, seksýaldyq sıpattaǵy áreketter jasaǵanyn alǵa tartqan.
Qazіrgі tańda tergeý amaldary júrgіzіlіp jatyr. Saraptama qorytyndylary men ózge de dálelder negіzіnde protsessýaldyq sheshіm qabyldanady.
Material avtory
