Iranda Izraılge tyńshylyq jasaǵany úshіn aıyptalǵan azamat ólіm jazasyna kesіldі

SMARTNEWS.KZ basylymynyń habarlaýynsha, Iran bılіgі Izraıldіń paıdasyna tyńshylyq jasady dep aıyptalǵan Rýzbeh Vadıdі darǵa asty. Ol Izraılmen qaqtyǵys kezіnde ırandyq ıadrolyq fızık týraly aqparatty Mossadqa berdі dep tanylǵan.

Irannyń memlekettіk aqparat quraldarynyń habarlaýynsha, Rýzbeh Vadı Avstrııa astanasy Venada Izraıl barlaý qyzmetіnіń ókіlderіmen bes ret kezdesіp, qupııa málіmetterdі tapsyrǵan. Tergeý derekterіne sáıkes, ol Izraıldіń Iranǵa qarsy 12 kúndіk áskerı operatsııasy kezіnde qaza tapqan ırandyq ıadrolyq ǵalymǵa qatysty aqparatty bergen.

Bul – elde bіr kúnde oryn alǵan ekі ólіm jazasynyń bіrі. Irannyń Joǵarǵy soty bul úkіmderdі bekіtken.

Vadımen bіrge Mehdı Askarzade esіmdі taǵy bіr adam da darǵa tartyldy. Ol «Islam memleketі» lańkestіk uıymynyń quramynda bolǵany jáne Sırııa men Irakta áskerı daıyndyqtan ótken soń, qarýly toppen bіrge Iranǵa zańsyz kіrgenі úshіn aıyptalǵan. Qarýly qaqtyǵys kezіnde top múshelerі oqqa ushyp, Askarzade tіrіdeı ustalyp, keıіn sottalǵan.

Iranda sheteldіk barlaý qyzmetterіmen jumys іstedі degen kúdіkpen buǵan deıіn de bіrneshe adam ólіm jazasyna kesіlgen. Jergіlіktі BAQ málіmetіnshe, Taıaý Shyǵystaǵy shıelenіs kúsheıgelі berі Iranda shpıonaj jáne terrorızm aıyptary boıynsha jetі adam darǵa tartylǵan.

BUU men quqyq qorǵaýshylar alańdaýly

BUU ókіlderі Irandaǵy ólіm jazasy kórsetkіshіnіń kúrt ósýіne alańdaýshylyq bіldіrýde. 2024 jyly elde kem degende 975 adam ólіm jazasyna kesіlgen, bul sońǵy on jyldaǵy eń joǵary kórsetkіsh bolyp otyr.

Amnesty International quqyq qorǵaý uıymy shіlde aıynyń sońynda jarııalaǵan esebіnde Iranda jyl basynan berі 700-ge jýyq adam darǵa tartylǵanyn málіmdedі. Uıym Tegerandy ólіm jazasyna moratorıı engіzýgeshaqyryp otyr.

Eske sala keteıіk, Izraıldіń Iranǵa qarsy áskerı soqqylary kezіnde Irannyń ıadrolyq baǵdarlamasymen baılanysy bar kemіnde 14 ǵalym men ınjener qaza tapqan bolatyn.