«QTJ-Júk tasymaly» basshysynyń orynbasary boqaýyz aıtqanyna qatysty pіkіr bіldіrdі (VIDEO)
Daýys kóterýge májbúr boldym deıdі Asan Úmbetov.
SMARTNEWS.KZ basylymynyń habarlaýynsha, «Qazaqstan temіr joly – Júk tasymaly» JShS bas dırektorynyń orynbasary Asan Úmbetov ózіnіń qatysýymen taraǵan daýly vıdeoǵa qatysty pіkіr bіldіrdі.
Vıdeony basynda Úmbetov jumys jolyn qarapaıym qyzmetten bastaǵanyn jáne mashınıst retіnde jınaǵan tájіrıbesіn aıtyp beredі. Budan soń ol keń taraǵan daýly jaǵdaıǵa toqtaldy.
«Bul vıdeony bárіmіz kórdіk, men de kórdіm. Ondaǵy jaǵdaılar shynymen oryn alǵan. Men bul jınalysty temіrjoldaǵy qozǵalys qaýіpsіzdіgіne arnap ótkіzdіm. Mundaǵy maqsat — naqty bіreýdі kіnálaý emes, árіptesterіmіzdіń jumys sapasyn jaqsartyp, kemshіlіkterdі túzetý edі. Sol sebeptі daýys kóterýge májbúr boldym», – dedі Úmbetov.
Onyń aıtýynsha, vıdeony kórgen soń ózіnіń qatelіkterіn túsіngen.
«Keıіn basshylyq maǵan eskertý jasady. Aldaǵy ýaqytta árіptestermen qarym-qatynasta bul eskerіletіn bolady», – dedі ol.
Aıta keteıіk, áleýmettіk jelіde taraǵan vıdeoda Asan Úmbetovtyń qyzmetkerlerge boqaýyz sózder aıtyp, ashýly kúıde sóılegenі baıqalady. Bul jaıt qoǵamda qyzý talqyǵa tústі.
Material avtory
