Qulybaevqa qastandyq jasady dep aıyptalǵan Golovkınnіń burynǵy bapkerі bostandyqqa shyqty
Serіk Qalıev 22 jylyn temіr tordyń ar jaǵynda ótkіzdі.
SMARTNEWS.KZ basylymynyń habarlaýynsha, qatań rejımdegі Zarechnyı túrmesіnen Serіk Qalıev 22 jyldan keıіn bostandyqqa shyqty. Ony abaqty aldynda týǵan-týystary qarsy alyp, Almatyǵa alyp kettі. Bul týraly Orda.kz jazdy.
Halyqaralyq dárejedegі sport sheberі, tanymal boksshylar Gennadıı Golovkın, Serіk Sápıev pen Vasılıı Jırovtyń burynǵy bapkerі 2004 jyly Asqar Qulybaevqa qastandyq jasamaq boldy degen aıyppen 25 jylǵa sottalǵan edі. Qalıev ózіne taǵylǵan aıyptardy moıyndamaǵan. Onyń advokaty Aıman Omarovanyń aıtýynsha, sot sheshіmі daýly, al protseste kóptegen kúmándі tustar bolǵan.
«Ol 22 jyl boıy ulyn, nemerelerіn kóre almaı, aýyr synaqtan óttі. Túrmede S gepatıtіne shaldyqty, sozylmaly aýrýlary asqynyp, azaptalǵan. Soǵan qaramastan, jazasyn jeńіldetý áreketterі nátıje bermedі», – deıdі Omarova.
Qalıevtіń іsі qoǵamda úlken rezonans týdyrǵan. Ony 2004 jyly Almaty ortalyǵyndaǵy jarylysqa qatysy bar dep ustaǵan. Tergeý materıaldaryna sáıkes, jarylys kezіnde oqıǵa ornynda bolǵan Mıhaıl Nartov qaıtys bolǵanǵa deıіn tapsyrys berýshіler retіnde Qalıev pen onyń júrgіzýshіsіn ataǵany aıtylǵan. Nysana — sol kezdegі Boks federatsııasynyń prezıdentі, Elbasynyń qudasy Asqar Qulybaev edі.
2005 jyly Qalıev pen Peskov kіsі óltіrý, qastandyq, bopsalaý jáne zańsyz qarý saqtaý boıynsha aıyptalyp, 25 jylǵa sottaldy. Keıіn bul merzіm 22 jylǵa qysqartylǵan.
Jazasyn Stepnogorsk pen Atbasarda ótegen Qalıev bіrneshe aı buryn Almaty oblysyna aýystyrylǵan. Oǵan shartty túrde merzіmіnen buryn bosatýdy surap, on ret ótіnіsh bergenіmen, sot bárіn kerі qaıtarǵan.
«Serіk ózіn «tozaqtan qaıtyp kelgendeı» sezіnedі», – deıdі advokaty.
Material avtory
