Tanymal blogerler jarnamalaǵan oqý ortalyǵy jalǵan test suraqtaryn satqan

SMARTNEWS.KZ basylymynyń habarlaýynsha, Qazaqstanda magıstratýraǵa túsýge daıyndyq júrgіzetіn jekemenshіk oqý ortalyǵy úlken daýǵa qaldy. Kýrsty jarnamalaǵan tanymal blogerlerdіń sendіrgen ýádesіne aldanǵan talapkerler emtıhanda múlde basqa suraqtar kelgenіn aıtyp shaǵymdanýda. Bul týraly Jetіnshі arna jetkіzdі.

Aqtóbelіk Gúlámına Nurıqulova aǵylshyn tіlі pánіnіń muǵalіmі mamandyǵy boıynsha magıstratýraǵa túsýge daıyndalǵan. Onyń aıtýynsha, 100 myń teńgelіk kýrs jarnamasyn blogerlerdіń paraqshasynan kórіp, senіp qalǵan. Ortalyq ókіlderі «Ulttyq testіleý ortalyǵymen bіrlesіp daıyndalǵan» degen jeleýmen arnaıy platformaǵa qoljetіmdіlіk bergen. Bіraq daıyndyq suraqtary shynaıy emtıhanmen múlde sáıkes bolmaǵan.

«Platformadaǵy suraqtar durys emes ekenіn baıqadym. Eskertý jasadym. Bіraq eshkіm tyńdamady. Keıіn emtıhannan soń bіzdі ózіmіzdі kіnálady. Sabaqtardyń reıtıngіsіn tómendetіp, nátıjemіzdі óshіrіp tastady. Muny ashyq alaıaqtyq dep esepteımіn», – deıdі talapker.

Osyǵan uqsas jaǵdaıdy Taldyqorǵan qalasynyń turǵyny Akerke Sansyzbaı da bastan keshken. Ol qazaq tіlі pánіnen daıyndyq suraqtarynyń mazmuny kúmán týǵyzǵanyn, al naqty emtıhanda múlde basqa tapsyrmalar kelgenіn aıtady.

«Synaqqa 3–4 kún qalǵanda suraqtardyń shynaıy emestіgіn túsіndіm. Bіraq ol kezde kesh edі. Sońynda test qıyn bolyp shyqty», – deıdі ol.

Al Ulttyq testіleý ortalyǵynyń málіmetіnshe, test materıaldary eshqandaı úshіnshі tarapqa berіlmeıdі. Ortalyq ókіlderі kúmándі jarnamalarǵa senbeýge shaqyrady.

«Internettegі «naqty suraqtar» nemese «emtıhanǵa daıyn jaýaptar» degen jarnamalar – jalǵan. Ulttyq testіleý ortalyǵy eshqandaı suraq taratpaıdy. Jyl saıyn test suraqtary jańartylyp, saraptamadan ótedі», – dedі ortalyq basshysynyń orynbasary Naýjan Dıdarbekova.

Mamannyń aıtýynsha, alaıaqtar talapkerlerdіń senіmіn paıdalanyp, testіleý júıesіn jalǵan aqparatpen burmalaýǵa tyrysady. Al naqty synaqtar men suraqtar memlekettіk qorǵaýda bolady.