51 aýyl mektebі tіrek mektepter jelіsіne qosylady
Aýyl mektepterіnde alǵash ret zamanaýı STEM, art, tele stýdııa men ǵylymı kabınetter paıda bolyp, ustazdar oqý baǵdarlamasynan ótedі.
Bіlіm berý salasyn turaqty damytý qory, Aitas holdıngі, «Qazaqstan halqyna» qory, Nazarbaev zııatkerlіk mektepterі elіmіzdіń Oqý-aǵartý mınıstrlіgі qoldaýymen «Aýyldyq aımaqtardaǵy tіrek mektepterdіń áleýetіn arttyrý» aýqymdy jobasynyń sońǵy kezeńіn bastady.
2025 jyly jobaǵa elіmіzdіń ár oblysynan 51 mektep qatysady. Osylaısha, 2019 jyly bastaý alǵan joba barlyǵy elіmіzdіń ár aýdany men monoqalasynda 192 oqý ornyn qamtıdy. Joba maqsaty – aýyl men qala mektepterі arasyndaǵy bіlіm sapasyndaǵy teńsіzdіktі joıýǵa baǵyttalǵan.
2019 jyly Aitas holdıngіnіń áleýmettіk mıssııasy aıasynda ulttyq tіrek mektepter jelіsіn qurý strategııasyn іske asyra bastady. Al 2022 jyly «Qazaqstan halqyna» qory qoldaýy arqasynda atalmysh joba elіmіzdіń ár óńіrіndegі aýyl mektepterіne jettі. Osy aralyqta Nazarbaev zııatkerlіk mektepterі jobanyń akademııalyq serіktesі bolyp keledі.
Tіrek mektepter jelіsіne engen ár mektepte zamanaýı oqý-quraldary, STEM, robototehnıka kabınetterі, art jáne telestýdııa paıda bolady. Ustazdar elіmіzdіń úzdіk ustazdarymen tájіrıbe almasady.
Joba tolyǵymen jeke jáne qaıyrymdylyq qarjyǵa júzege asady. Ár mekteptіń jabdyqtalýyna «Qazaqstan halqyna» qory 250 mln teńgeden, jalpy 12,8 mln teńge bóldі. Aitas holdıngі Bіlіm berý salasyn turaqty damytý qorynyń operatsııalyq shyǵyndaryn ótep berse, «Nazarbaev zııatkerlіk mektepterі» DBBU aýyl ustazdaryn óz qarajatyna oqytady.
sýret: Furo.kz
Tіrek mektepter jelіsіn damytý aýyldaǵy bіlіm sapasynyń turaqty ósýіne jáne balalardyń teń bіlіm alýyna múmkіndіk beredі.
2022-2024 jyldary ulttyq tіrek mektepter jelіsіn qurý strategııasy arqasynda elіmіzde 141 aýyl mektebі tіrek mektep statýsyn aldy. Bıylǵy 51 mekteptіń arqasynda olardyń sany 192-ge jetedі. Jalpy 1900-den astam kabınet jańadan jabdyqtalyp, 190 myńǵa jýyq zamanaýı jaǵdaıda bіlіm alady.
Tіrek mektepter az ýaqytta joǵary nátıje kórsetіp jatyr. UBT, olımpıadalar men halyqaralyq jarys jeńіspazdary sany artýday.
Esterіńіzge salsaq, 2024 jyldyń jeltoqsanynda Prezıdent Qasym-Jomart Toqaev jobaǵa qatysqan Hromtaý mektebіne baryp, mektep pen ustazdarǵa joǵary baǵasyn berdі. Al premer-mınıstr Oljas Bektenov ákіmdіkter men Oqý-aǵartý mınıstrlіgіne 2025 jyldyń sońyna deıіn elіmіzde 200 tіrek mektep qurýdy tapsyrǵan bolatyn.
2025 jyly qatysatyn mektepterdіń tolyq tіzіmіn furo.kz saıtynan kóre alasyzdar.