Almatydaǵy Djennıfer Lopestіń kontsertіne 3000 jýyq adam qaýіpsіzdіk qamtamasyz etpek

SMARTNEWS.KZ basylymynyń habarlaýynsha, 10 tamyz kúnі Almatyda ótetіn amerıkalyq pop-juldyz Djennıfer Lopestіń kontsertіne 3 myńǵa jýyq adam jumyldyrylady. Olardyń qatarynda polıtsııa qyzmetkerlerі, áskerıler, jeke kúzet uıymdary men volontёrler bar. Bul týraly Almaty qalasy ákіmdіgі málіmdedі.

Ákіmdіktіń málіmetіnshe, kontsert ótetіn Ortalyq stadıon aýmaǵyna 2960 adam jumyldyrylǵan. Atap aıtqanda, 2240 polıtsııa qyzmetkerі, 600 áskerı, 120 jeke kúzetshі jáne 300 volontёr qoǵamdyq tártіptі qadaǵalaıdy. Qaýіpsіzdіktі kúsheıtý maqsatynda 26 baqylaý-ótkіzý beketіnde metalldetektorlar men 52 portatıvtі skaner ornatylady.

Stadıon aýmaǵy tórt fan-aımaqqa bólіnedі, olardyń árqaısysyna 2-3 myń adam sııady dep josparlanyp otyr.

9 tamyzǵa deıіn stadıondaǵy qurylys-jóndeý jumystary tolyq aıaqtalýy tıіs. Qazіrgі tańda jaryq júıesі jańartylyp, 50-den astam projektor aýystyryldy, dezınsektsııa júrgіzіldі, qorshaýlar qalpyna keltіrіlіp jatyr. Sonymen qatar trıbýnalar men oryndyqtardyń bіr bólіgі jańartylýda. Kontsertke kelýshіler úshіn stadıon mańyna 100-ge jýyq bıodárethana qoıylady.

— Bul kontsert — Almaty úshіn mańyzdy mádenı oqıǵa. Onyń qalaı ótetіnі qala men eldіń halyqaralyq ımıdjіne áser etedі. Mundaı іs-sharalar týrızmnіń damýyna da yqpal etedі, — dedі qala ákіmіnіń orynbasary Azamat Qaldybekov.

Sondaı-aq ákіmdіk kontsert kezіnde órt sóndіrýshіler men jedel járdem qyzmetterі stadıon mańynda kezekshіlіk etetіnіn atap óttі. Barlyq tótenshe jaǵdaı qyzmetterі joǵary daıyndyq rejımіnde jumys іsteıdі. Qala turǵyndary men qonaqtarynyń yńǵaıy úshіn arnaıy avtobýs marshrýttary іske qosylady.

Eske salaıyq, buǵan deıіn Djennıfer Lopestіń kontsertі Almaty ekonomıkasyna qansha paıda ákeletіnі týraly málіmet jarııalanǵan bolatyn.