AQSh-ta hakerler federaldy sot іsterіnіń derekqoryn buzyp kіrdі

SMARTNEWS.KZ basylymynyń habarlaýynsha, AQSh-ta federaldy sot іsterіnіń elektrondy derekqoryna jasalǵan kıbershabýyldan keıіn hakerler qupııa aqparattarǵa, sonyń іshіnde jasyryn aqparat jetkіzýshіlerdіń jeke derekterіne jáne jarııalanbaǵan aıyptaý aktіlerіne qol jetkіzýі múmkіn.

Basylymnyń málіmetіnshe, hakerlіk shabýyl shіlde aıynyń basynda oryn alǵan. Alaıda qazіrgі ýaqytqa deıіn bul shabýyldyń kólemі men saldary tolyq anyqtalǵan joq. Aqparat kózderіnіń aıtýynsha, AQSh sottarynyń ákіmshіlіk basqarmasy álі de júıege qandaı jolmen shabýyl jasalǵanyn jáne qandaı derekterge qol suǵylǵanyn naqtylaı almaı otyr.

Kıbershabýyldyń artynda kіm turǵany belgіsіz. Sarapshylar qylmystyq toptar men sheteldіk memleketter qoldaıtyn hakerlіk uıymdar tarapynan bolýy múmkіn degen nusqany qarastyryp jatyr. Ekі tarapqa da jabyq sot іsterі, tutqyndaý orderlerі, kúdіktіler týraly qupııa derekter men ınformatorlardyń jeke basyna qatysty málіmetter qyzyqty bolýy yqtımal.

Shabýyl AQSh-taǵy federaldy sot іsterіnіń bіryńǵaı derekqoryn basqaratyn Sot ákіmshіlіgі basqarmasynyń júıesіne baǵyttalǵan. Atalǵan derekqorda jarııalaýǵa jatpaıtyn, tergeý múddesі úshіn jabyq ustalyp kelgen іster týraly málіmetter saqtalady.

Ázіrge Sot ákіmshіlіgі, Ádіlet mınıstrlіgі men FBR bul oqıǵaǵa qatysty resmı pіkіr bіldіrmedі.