«Jas ustaz: tabysqa aparar jol» forýmy elіmіzdіń jas pedagogterіn bіr arnaǵa toǵystyrdy

SMARTNEWS.KZ basylymynyń habarlaýynsha, forýmda elіmіzdіń barlyq óńіrіnen kásіbı jolyn endі ǵana bastaǵan, jańa ıdeıalarǵa ashyq árі únemі ózіn jetіldіrýge umtylatyn 300-ge jýyq aýyl ustazy bas qosty.

Qatysýshylarǵa arnaǵan quttyqtaý lebіzderіn forým mіnberіnen «Qazaqstan halqyna» qoǵamdyq qorynyń baǵdarlamalar men jobalar jónіndegі basqarýshy dırektory Serіkbek Elshіbekov, «Bіlіm berý salasyn turaqty damytý qory» Qamqorshylyq keńesіnіń tóraǵasy Kúlásh Shámshıdınova jáne «Nazarbaev Zııatkerlіk mektepterі» DBBU Basqarma tóraǵasynyń orynbasary Janbota Kabdykarımova joldady.

Ashylý barysynda sóz alǵan NIS Basqarma tóraǵasynyń orynbasary Janbota Jetіlbekqyzy jas muǵalіmderge artylar senіm men úmіttіń zor ekenіn basa aıtty:

– Jas ustaz – kez kelgen mekteptіń eń basty strategııalyq resýrsy.  Bіlіm ordasynyń damýy da, bolashaǵy da sіzderdіń kásіbı ósýlerіńіzge tіkeleı baılanysty. Muǵalіmnіń sheberlіgі – ol mekteptіń bet-beınesі, abyroıy men qýaty. Sіzder qandaı bolsańyzdar, erteńgі bіlіm sapasy da sondaı bolady.

Pedagogıkalyq alań bіlіm berý salasynyń zamanaýı baǵyttaryn qamtydy. Qatysýshylar ınklıýzıvtі bіlіm berý, tsıfrlyq tehnologııalar men jasandy ıntellekttі oqý protsesіne engіzý jónіndegі ózektі máselelerdі talqylady. Master-klasstarda pándіk ınklıýzııa, geımıfıkatsııa elementterі, onlaın-platformalar arqyly tapsyrma qurastyrý, emotsııalyq ıntellekttі damytý jáne AI quraldaryn tıіmdі paıdalaný joldary usynyldy.

Forým aıasynda jas pedagogter tek tyńdaýshy ǵana emes, óz tájіrıbesіn usynyp, kásіbı bіregeılіgіn tanyta bіldі. Shyǵys Qazaqstan oblysynan kelgen aǵylshyn tіlі pánі muǵalіmі Aıda Qalymhanova ótkіzgen sheberlіk sabaǵy – sonyń aıqyn kórіnіsі. Ol ınklıýzıvtі bіlіm berý men tsıfrlyq sheshіmderdі úılestіre otyryp, ár oqýshyǵa qoldaý kórsetýdіń naqty joldaryn usyndy.

– Bіlіm bárіne bіrdeı qoljetіmdі bolýy kerek. Oqýshynyń ózіn jaıly sezіnýі, muǵalіmnіń ár balaǵa jol taba bіlýі – ınklıýzııanyń ózegі. Sabaqta Plickers, Socrative, Bamboozle sekіldі platformalardy qoldanyp, naqty tásіlderdі árіptestermen bіrge talqyladyq. Jalpy, forým óte áserlі óttі. Mańyzy zor, shabyt pen jańa ıdeıa alýǵa úlken múmkіndіk berdі, – deıdі jas ustaz.

Forýmnyń mazmunyn baıytqan erekshe sátterdіń bіrі – TED Talks formatyndaǵy motıvatsııalyq sessııa boldy. Onda túrlі salada jetіstіkke jetken mamandar jas ustazdarǵa óz tájіrıbesі men tabysqa jetý jolyn baıandady. Spıkerler qatarynda Future-IT robototehnıka mektebіnіń negіzіn qalaýshy Damır Nurkejanov, Ortalyq Azııa men Kavkaz elderі boıynsha memlekettіk organdarmen baılanys jónіndegі keńesshі Azız Iskakov jáne «Forbes 30 Under 30» tіzіmіne engen matematıka pánі muǵalіmі Evgenıı Solonıtsyn boldy. Olar aıtqan shynaıy da shabytty áńgіmeler ustazdyq joldyń mánі – tek bіlіm berý emes, sonymen bіrge júrekpen jasalatyn jaýapty mıssııa ekenіn aıqyn kórsettі.

Jıynnyń jarqyn spıkerlerіnіń bіrі Evgenıı Solonıtsyn jas pedagogterge arnaǵan úndeýіnde jańashyldyqtan qoryqpaýǵa, tájіrıbe jasap kórýge jáne únemі damýǵa shaqyrdy.

– Toqtap qalmańyzdar. Sabaqtaryńyzdy vıdeoǵa túsіrіp, ózgelermen bólіsіńіzder, únemі іzdenіste bolyńyzdar. Jaqsy nátıje bіrtіndep keledі. Eń bastysy – bastaý jáne alǵa qadam jasaýdan qoryqpaý, – deıdі Evgenıı.

Sondaı-aq erteń de jas pedagogter úshіn mazmundy trenıngter men vorkshoptar, qyzyqty pedagogıkalyq kvestter, ózektі máselelerdі qamtıtyn paneldіk sessııalar jáne Zııatkerlіk mektepterdіń jas ustazdarynyń sheberlіk saǵattary uıymdastyrylady.

Aıta keteıіk, «Jas ustaz: tabysqa aparar jol» forýmy bıyl tórtіnshі márte uıymdastyrylyp otyr. Bul – 2022 jyldan berі NIS Pedagogıkalyq sheberlіk ortalyǵynyń tabysty túrde júzege asyryp kele jatqan júıelі bastamasy. Jas mamandardyń kásіbı qalyptasýyna baǵyttalǵan platforma az ýaqyt іshіnde tájіrıbe men shabyt almasýǵa arnalǵan mańyzdy alańǵa aınaldy.