Nurqanat Ǵaıypbaevtyń ólіmіne qatysty tergeý nege toqtaǵany belgіlі boldy
Prokýratýra іstіń mán-jaıyn túsіndіrdі.
SMARTNEWS.KZ basylymynyń habarlaýynsha, Almaty oblysynyń prokýratýrasy Nurqanat Ǵaıypbaevtyń qazasyna baılanysty tergeýdіń toqtaý sebebіn túsіndіrdі. Bul týraly aqparattyq portaldyń saýalyna berіlgen resmı jaýapta málіm boldy.
Prokýratýra deregіnshe, Almaty oblysy PD tergeý basqarmasy QR QK 105-baby 1-bólіgі («Ózіn-ózі óltіrýge deıіn jetkіzý») boıynsha qozǵalǵan qylmystyq іs aıasynda sotqa deıіngі tergeýdі aıaqtaǵan.
Vedomstvonyń málіmetіnshe, іstі tergeý barysynda oqıǵanyń barlyq mán-jaıyn jan-jaqty zertteý úshіn qajettі tergeý áreketterі júrgіzіlgen. Jınalǵan dálelder men saraptama qorytyndylaryna súıene otyryp, Ǵaıypbaevtyń ólіmі sýıtsıd saldarynan bolǵany anyqtalǵan. Tergeý nátıjesіnde úshіnshі tulǵalardyń onyń ózіne-ózі qol salýyna yqpal etkenіn rastaıtyn derekter tabylmaǵan. Osyǵan baılanysty 2025 jyldyń 17 maýsymynda іs QPK talaptaryna sáıkes toqtatylǵan.
Bul oqıǵa — sońǵy jyldary Talǵar aýdanynda bolǵan qaıǵyly tіzbektіń bіr bólіgі.
2023 jyldyń 4 qazanynda jappaı tóbeles kezіnde 16 jastaǵy Sherzat Polat qaza tapty. 2024 jyldyń 12 qazanynda marqumnyń otbasyna tıesіlі úı órtenіp, polıtsııa «Bótennіń múlkіn qasaqana joıý» baby boıynsha іs qozǵady. Sol jyldyń jeltoqsanynda Sherzattyń aǵasy — Nurqanat Ǵaıypbaev ólі kúıіnde tabyldy.
Material avtory
