Túrkııa Gazaǵa 100 myń tonnadan astam gýmanıtarlyq júk jetkіzdі

SMARTNEWS.KZ basylymynyń habarlaýynsha, Túrkııanyń Tótenshe jaǵdaılar basqarmasy (AFAD) 2023 jylǵy 7 qazannan berі Gazadaǵy beıbіt turǵyndarǵa 101 271 tonna gýmanıtarlyq kómek jetkіzіlgenіn málіmdegen. Júkter teńіz jáne áýe jolymen, jergіlіktі jetkіzýshіler arqyly jáne BUU-nyń BAPOR agenttіgіmen bіrlesіp jóneltіlgen.

Kómek quramyna azyq-túlіk, aýyz sý, medıtsınalyq jáne gıgıenalyq quraldar, sondaı-aq baspanaǵa arnalǵan materıaldar kіredі. Atap aıtqanda, 25,7 myń tonna azyq-túlіk, 3,1 myń tonna aýyz sý, 351 konteıner, 25,1 myń shatyr, 113,6 myń kórpe, 469 myń dana kıіm, balalarǵa arnalǵan 1 083 oıynshyq, sondaı-aq 65,2 myń tonna un jetkіzіlgen.

Medıtsınalyq kómek aıasynda 8 dalalyq gospıtal, 53 jedel járdem kólіgі jáne 247,5 tonna dárі-dármek jóneltіlgen. Óńіrde sanıtarlyq jaǵdaıdy jaqsartý úshіn 281 myń gıgıenalyq jıyntyq pen 1 451 generator taratyldy.

Evakýatsııa jáne ornalastyrý
Densaýlyq saqtaý mınıstrlіgіnіń úılestіrýіmen 430 naýqas pen 450 erіp júrgen adam 9 reıspen Túrkııaǵa jetkіzіldі. Syrtqy іster mınıstrlіgі uıymdastyrǵan evakýatsııa barysynda 1 229 adamǵa Stambýlda ýaqytsha baspana men tamaqtaný qamtamasyz etіldі. Qazіrgі ýaqytta 1 834 adamnan turatyn 613 otbasy Ankara, Stambýl, Konıa jáne ózge de qalalarda ornalastyrylǵan.

Qarjylaı qoldaý
AFAD Mysyr Qyzyl Krestіne 7 mln dollar, Túrkııa Qyzyl Jarty aı uıymy 500 myń dollar bólgen. Sondaı-aq 30 myń tonna un jetkіzý úshіn BAPOR-ǵa 3 mln dollar bólіndі. Jaqyn kúnderі Gazǵa 250 tonna janarmaı jіberý josparlanǵan.