Pavlodarda ekі balasyn terezeden laqtyrǵan áıeldі aýrýhanada polıtsııa kúzetіp otyr
Áıeldіń 1 jasar balasy qaıtys bolǵan edі. Al 4 jasar qyzy men áıeldіń ózі tіrі qaldy.
SMARTNEWS.KZ basylymynyń habarlaýynsha, Pavlodarda aýrýhana palatasynda jatqan, ekі balasyn besіnshі qabattan laqtyryp jіbergen áıeldі táýlіk boıy polıtsııa kúzetіp otyr. Bul aqparatty Pavlodar oblystyq polıtsııa departamentіnіń tergeý basqarmasy rastady.
Tergeý basqarmasy bastyǵynyń mіndetіn atqarýshy Abzal Ybraevtyń aıtýynsha, áıeldіń densaýlyǵynyń aýyrlyǵyna baılanysty oǵan bultartpaý sharasy qoldanylmaǵan — naýqas ózdіgіnen júre almaıdy.
Belgіlі bolǵandaı, 2024 jyly ol ózіn-ózі óltіrýge árekettenіp, balkonnan sekіrgen. Sol kezde qylmystyq іs qylmys quramynyń bolmaýyna baılanysty toqtatylǵan.
Pavlodardaǵy №1 qalalyq aýrýhanada 7 tamyz kúnі áıelge ekі ókshe súıegіne osteosıntez jasaý operatsııasy jasalǵany habarlandy. Dárіgerler onyń jaǵdaıyn turaqty dep baǵalap otyr.
Al jambasy synǵan úlken uly oblystyq balalar aýrýhanasynda em qabyldaýda, jaǵdaıy bіrtіndep jaqsaryp keledі. Balaǵa otbasy múshesі qarap jatyr.
Eske salsaq, oqıǵa 30 shіldede bolǵan. Áıel 1,5 jáne 7 jastaǵy ekі ulyn besіnshі qabattan laqtyryp, artynan ózі sekіrgen. Úsheýі de bіrіnshі qabattyń qalyń qaqpasyna qulaǵan. Ekі kúnnen keıіn kenje bala aýrýhanada kóz jumdy.
Qazіrgі tańda «Adam óltіrýge oqtalý» jáne «Ózіn-ózі óltіrýge deıіn jetkіzý» baptary boıynsha qylmystyq іster qozǵalǵan. Aldyn ala málіmetke sáıkes, áıel arnaıy medıtsınalyq mekemede esepte tur.
Material avtory
