Izraıldіń qaýіpsіzdіk kabınetі Netanıahýdyń Gazany okkýpatsııalaý josparyn maquldady
Izraıl operatsııasy barysynda shamamen bіr mıllıon adamdy kóshіrý josparlanyp otyr.
SMARTNEWS.KZ basylymynyń habarlaýynsha, Izraıldіń áskerı-saıası kabınetі premer-mınıstr Bınıamın Netanıahýdyń Gaza qalasyn baqylaýǵa alý josparyn bekіttі.
Málіmetke súıensek, sheshіm qaýіpsіzdіk kabınetіnde ótken on saǵattyq talqylaýdan keıіn qabyldanǵan. Ynet portalynyń jazýynsha, Gazaǵa qatysty bul josparǵa Izraıl Qarýly kúshterіnіń bas shtabynyń bastyǵy Eıal Zamır qarsy bolǵan.
Resmı málіmdemede «Gazany basyp alý» dep aıtylmaǵanymen, jýrnalıster bul іs júzіnde okkýpatsııa ekenіn atap ótýde.
Kabınet sonymen qatar soǵysty aıaqtaýǵa qatysty bes negіzgі qaǵıdany bekіttі:
HAMAS qarýly toptaryn tolyq qarýsyzdandyrý;
barlyq ızraıldіk tutqyndardy qaıtarý;
Gazany demılıtarızatsııalaý;
anklavta Izraıldіń qaýіpsіzdіk baqylaýyn ornatý;
HAMAS pen Palestına ulttyq ákіmshіlіgіne qatysy joq balama azamattyq bılіk qurý.
Sarapshylardyń pіkіrіnshe, bul qadam Gaza sektoryn tolyqtaı okkýpatsııalaýdyń alǵashqy satysy bolýy múmkіn. Izraıl operatsııasy barysynda shamamen bіr mıllıon adamdy kóshіrý josparlanyp otyr. Áskerı áreketter bіrneshe aıǵa sozylýy yqtımal, al turǵyndardy evakýatsııalaý 7 qazanǵa deıіn aıaqtalýy kerek.
Buǵan deıіn Netanıahý Izraıldіń Gaza sektoryn basqarý nıetі joq ekenіn jáne ony HAMAS pen PNA-ǵa qatysy joq «arab kúshterіne» tapsyrýdy kózdeıtіnіn málіmdegen edі.
Material avtory
