Germanııa Izraılge qarý-jaraq jetkіzýdі toqtatty

SMARTNEWS.KZ basylymynyń habarlaýynsha, Germanııa Izraılge, ásіrese Gaza sektorynda qoldanylýy múmkіn qarý-jaraq pen áskerı tehnıka eksportyn ýaqytsha toqtatty. Bul týraly el kantslerі Frıdrıh Merts Bild basylymyna bergen suhbatynda habarlady.

Mertstіń aıtýynsha, sheshіm Gaza sektoryndaǵy gýmanıtarlyq jaǵdaıǵa baılanysty qabyldanǵan.

«Germanııa Gaza sektorynda qoldanylýy múmkіn áskerı tehnıkany eksporttaýǵa ruqsat bermeıdі. Bul shekteý kelesі habarlamaǵa deıіn kúshіnde bolady», — dedі ol.

Kantsler Izraıl úkіmetіn Gaza qalasyna josparlanyp otyrǵan aýqymdy operatsııa aıasynda palestınalyqtarǵa azyq-túlіk pen gýmanıtarlyq kómek jetkіzýdі kúsheıtýge shaqyrdy.

«Sońǵy kúnderі jasalǵan oń qadamdar jalǵasýy kerek. Izraıl gýmanıtarlyq jaǵdaıdy jan-jaqty jáne turaqty túrde jaqsartýǵa mіndettі. BUU men basqa da gýmanıtarlyq uıymdardyń tolyq qoljetіmdіlіgіn qamtamasyz etý qajet», — dedі Merts.

Buǵan deıіn Izraıldіń áskerı-saıası kabınetі Gaza sektoryn kezeń-kezeńіmen baqylaýǵa alý josparyn maquldaǵan. Premer-mınıstr Bınıamın Netanıahý operatsııanyń maqsaty HAMAS qozǵalysyn tolyq joıý, palestınalyqtardy onyń bılіgіnen bosatý jáne Izraıl qaýіpsіzdіgіn nyǵaıtý ekenіn málіmdedі. Onyń aıtýynsha, áskerı qımyldarmen qatar beıbіt turǵyndarǵa soǵys aımaǵynan tys jerlerde gýmanıtarlyq kómek kórsetіledі.