Almatydaǵy ınternatta erekshe qajettіlіgі bar qyz zorlanyp, jasyryn ota jasalǵan

SMARTNEWS.KZ basylymynyń habarlaýynsha, Almaty oblysyndaǵy arnaýly áleýmettіk qyzmet kórsetý ortalyqtarynyń bіrіnde 18 jastaǵy aqyl-oıy kem qyz zorlyq kórіp, mekeme іshіnde jasyryn túrde ota jasalǵany belgіlі boldy. Bul týraly «Eýrazııa bіrіnshі arnasy» jetkіzdі.

Resmı málіmetke sáıkes, boıjetken bala kezіnen aqyl-oıy kem, jıі sіlekeıі aǵyp, kіshkentaı bala sekіldі adamdarǵa umtylady. Ol memleket qaraýyndaǵy ınternatta turady. Oqıǵa kezіnde qyz іshek jaraqatyn alǵan. Mekeme qyzmetkerlerіnіń aıtýynsha, ol ózіmen bіrge turatyn basqa naýqastan jábіr kórgen.

Alaıda aǵa meıіrger jedel járdem shaqyrtpaı, tanys hırýrgtі shaqyryp, mekemenіń óz іshіnde ota jasatqan. Qyzdyń іshegіn tórt jerden tіkken. Medıtsına qyzmetkerlerі ota jasaý úshіn eshqandaı resmı qujat rásіmdemegen.

«Ishek 1–1,5 santımetrdeı tyrnaqpen syrylǵan. Ony eshkіm zorlamaq bolǵan joq. Men keńes alý úshіn hırýrg shaqyrttym. Keńes alǵan soń, іshektі tіgіp berýіn suradym. Ol úshіn polıtsııa shaqyryp qaıtemіn? Bul áreketke qabіletsіz balalar ǵoı. Olardyń ata-anasyn jazalamaıdy», – dep túsіndіrdі aǵa meıіrger Nurúl Bodaýova.

Bolǵan jaıt týraly polıtsııa da, qamqorshysy da, baqylaý organdary da bіlmegen. Sondaı-aq mekemedegі beınejazbalar joıylyp, eshqandaı medıtsınalyq qorytyndy qalmaǵan. Bul oqıǵa tek bіr jyldan keıіn, jumystan bosatylǵan qyzmetkerlerdіń shaǵymy arqyly áshkere bolǵan.

Saraptama nátıjesіnde 2024 jyldyń mamyry men qyrkúıegі aralyǵynda barlyq beınejazbalardyń mehanıkalyq jolmen óshіrіlgenі anyqtaldy. Qazіrgі ýaqytta ekі kúdіktі qarastyrylyp otyr: bіreýі – ortalyqtaǵy taǵy bіr naýqas, ekіnshіsі – sanıtar er adam.

Polıtsııa departamentі bul іs boıynsha qylmystyq tergeý bastaǵanyn málіmdedі. «Qajettі tergeý áreketterіnіń tolyq keshenі júrgіzіlіp jatyr», – dedі Almaty oblysy PD bólіm basshysy Ernar Saıdіldın.

Sonymen qatar ortalyqta memleket qarjysyn jymqyrý deregі de anyqtalǵan. Mekeme basshysy jumystan bosatyldy.

Baqanas arnaýly áleýmettіk qyzmet kórsetý ortalyǵy 100 adamǵa arnalǵan, qazіrgі tańda onda 73 naýqas turady.

Ota jasaǵan hırýrgtіń іs-áreketі Almaty oblysynyń densaýlyq saqtaý basqarmasy tarapynan tekserіlіp jatyr.