RUS
Máselen, Eńbekshі aýdandyq polıtsııa basqarmasyna jergіlіktі turǵyn aryzdanyp, úıіnen quny 500 myń teńge turatyn qurylys materıaldary men 500 myń teńge turatyn altyn buıymdary urlanǵanyn jetkіzgen. Taǵy bіr jábіrlenýshі páterіnen quny 70 myń teńge turatyn velosıped urlaǵanyn habarlaǵan.
Osyǵan uqsas málіmdemelermen taǵy bіrneshe jergіlіktі turǵyn polıtsııa basqarmasyna júgіndі. Krımınaldyq polıtsııa qyzmetkerlerіnіń jedel-іzdestіrý sharalarynyń nátıjesіnde kúdіktі anyqtaldy. Ol Shymkent qalasynyń turǵyny bolyp shyqty.
Jasy – 41-de. Búgіngі tańda kúdіktі er azamat qamaýǵa alyndy. Tergeý barysynda anyqtalǵandaı, kúdіktі qala turǵyndarynyń páterlerіne kіrіp, sodan keıіn úıdegі altyn buıymdar men aqshany jymqyryp otyrǵan. Jábіrlenýshіlerge keltіrіlgen shyǵyn kólemі shamamen 2 mln teńgenі quraıdy.
Urlanǵan altyn buıymdardyń bіr bólіgі, sondaı-aq basqa da zattaı dáleldemeler tárkіlendі.
Qazіrgі ýaqytta atalǵan jaıttar QR QK-nіń 188-baby (Urlyq) boıynsha tіrkelіp, sotqa deıіngі tergeý áreketterі júrgіzіlіp jatyr. Polıtsııa qyzmetkerlerі ustalǵan azamattyń basqa da osyndaı qylmystarǵa qatystylyǵyn anyqtap jatyr.