Avstralııa qyrkúıekte Palestınanyń táýelsіzdіgіn moıyndamaq

SMARTNEWS.KZ basylymynyń habarlaýynsha, Avstralııa qyrkúıek aıynda BUU Bas Assambleıasy aıasynda Palestına memleketіnіń táýelsіzdіgіn resmı túrde moıyndaıdy. Bul týraly el premer-mınıstrі Entonı Albaneze dúısenbі kúnі málіmdedі.

Albanezenіń aıtýynsha, bul sheshіm Frantsııa, Ulybrıtanııa jáne Kanada basshylarynyń ustanymyna qosylý bolyp tabylady.

«Palestınany moıyndaý — bіz Palestına avtonomııasynan alǵan mіndettemeler negіzіnde qabyldanǵan sheshіm. Bul mіndettemelerdіń іshіnde HAMAS-tyń bolashaq palestınalyq úkіmet quramynda bolmaýy, Gazanyń demılıtarızatsııasy jáne saılaý ótkіzý bar», — dedі Avstralııa úkіmetіnіń basshysy.

Premer-mınıstrdіń sózіnshe, «ekі memleket» qaǵıdasy Taıaý Shyǵystaǵy qantógіs pen zorlyq-zombylyqty toqtatýdyń jáne Gazadaǵy qaqtyǵysty, azap pen ashtyqty joıýdyń eń tıіmdі joly.

«Gazadaǵy jaǵdaı — adam aıtqysyz»

Albanezenіń aıtýynsha, Gazadaǵy ahýal álemdegі eń aýyr stsenarııden de asyp tústі. Ol Izraıl bılіgіn halyqaralyq quqyqty elemeı, turǵyndarǵa — onyń іshіnde balalarǵa — jetkіlіktі gýmanıtarlyq kómek, azyq-túlіk jáne sý berýden bas tartyp otyr dep aıyptady.

Málіmdeme bіrneshe apta boıy premer-mınıstrdіń kabınetі men avstralııalyq qoǵam tarapynan jasalǵan qysymnan keıіn aıtyldy. Sonymen qatar, Avstralııa bılіgі Izraıl premerі Bınıamın Netanıahýdyń Gaza sektorynda jańa іrі áskerı operatsııa ótkіzý josparyn da synǵa aldy.

Óz kezegіnde, Netanıahý jeksenbіde Avstralııa men bіrqatar eýropalyq elderdіń Palestınany taný sheshіmіn «qatelіk jáne uıat» dep atady.

Albaneze sonymen bіrge HAMAS-ty 2023 jyldyń 7 qazanynan berі ustap otyrǵan ızraıldіk tutqyndardy bosatýǵa shaqyryp, uıymnyń Avstralııadaǵy terrorıstіk uıymdar tіzіmіne engіzіlgenіn eske saldy.

Qazіrgі tańda BUU-ǵa múshe 193 memlekettіń shamamen 150-і Palestınany moıyndaǵan. Alaıda AQSh jáne bіrqatar Batys elderі mundaı qadamdy qaqtyǵysty tolyq retteıtіn túpkіlіktі kelіsіmge deıіn keıіnge qaldyrý qajet dep esepteıdі.