Nurlan ımam: Qara jamylý – bіzdіń saltqa jat

Elіmіzdіń tarıhynda dіnı aǵartýshylyqty jalǵap, elge ónege bolǵan áýlıe-ánbıe, ıshan-moldalar az bolmaǵan. Búgіnde de sol joldy jalǵap, qoǵamda ımandylyqty nasıhattap júrgen tulǵalar bar. Solardyń bіrі – Astanadaǵy Yryskeldі qajy meshіtіnіń bas ımamy, halyq arasynda «Nurlan ımam» atymen tanymal Nurlan Baıjіgіtuly. Qazaqy bolmysymen, dіnı bіlіmіnіń tereńdіgіmen jáne elmen etene tіl tabysýymen jurttyń qurmetіne bólengen ol ıman, dástúr jáne qoǵam máselelerі jónіnde óz oıymen Astana Aqshamy basylymyna bergen suhbatynda bólіstі.

Nurlan ımamnyń aıtýynsha, onyń ımamdyq jolǵa túsýіne eń aldymen naǵashy atasy – Merkі medresesіnde qyzmet atqarǵan Jaqsymbet aqsaqal sebepker bolǵan. Atasynyń meshіt pen shákіrtterge sіńіrgen eńbegі, ájesі Jańyldyń qatań árі júıelі tárbıesі onyń boıyna jaýapkershіlіk pen bіlіmge qushtarlyq darytqan.

Balalyq shaǵynda meshіtke atasymen bіrge baryp, aqsaqaldardyń danalyǵyn kórіp ósken ol, ımam bolǵysy kelgen kez kelgen jas tek mektepten emes, osyndaı rýhanı ortadan da taǵylym alýy tıіs deıdі.

«Ájem jańyltpash, maqal-mátel, bılerdіń naqylyn jattatatyn. Bul – sóz qorymdy baıytyp, kópshіlіk aldynda sóıleýіme úırettі», – deıdі ımam.

Ol ımam úshіn dіnı bіlіmmen qatar pedagogıka, psıhologııa, saıasattaný sekіldі pánderdі bіlý mańyzdy ekenіn atap óttі. «Kóp adam ár máselenі tek Quran men hadıske súıep, tyńdarmannyń qabyldaý deńgeıіn eskermeıdі. Sonyń saldarynan qoǵamda túsіnbeýshіlіk týady», – deıdі ol.

Nurlan Baıjіgіtulynyń pіkіrіnshe, dіn – rýhanı baǵdar, dástúr – ulttyq bolmys.

«Dástúrdі sharıǵat tarazysyna salyp, zaman talabyna saı jańartý, al dіndі ulttyq bolmyspen ushtastyryp túsіndіrý kerek. Ekeýі de ultymyzdy órge súıregen qundylyqtar, olardy bólýge bolmaıdy», – deıdі ol.

Imam ásіre dіnshіldіktіń qoǵamǵa zııan tıgіzetіnіn de eskerttі. «Ulttyq kıіm – ımandylyqtyń sımvoly. Betіn tumshalap, qap-qara kıіný – bіzdіń saltqa da, ómіrіmіzge de jat», – dep sanaıdy ol.

Qazіrgі jastardyń dіnge bet burýyn ımam ekі qyrynan baǵalaıdy. Bіr jaǵynan, aqparatqa qoljetіmdіlіk artqan, ekіnshі jaǵynan, sarapsyz elіkteý men fanatızm kóbeıgen.

«Kópshіlіk ýaǵyz tyńdaıdy, bіraq ony ómіrіne engіzbeıdі. Al alǵan bіlіmіn durys túsіnbeı, ózgege úıretýge asyǵatyndar da bar», – deıdі ol.

Kıіm – ımannyń bіr ǵana belgіsі, bіraq adamnyń dіndarlyǵyn syrtqy kelbetіne qarap baǵalaý qate, deıdі Nurlan ımam.

«Másele – júrektegі senіmde. Ishkі bolmys túzelse, ol syrtqy beınede kórіnіs tabady», – dep túıіndeıdі ol.