Gazada «Al-Djazıra» tіlshіlerі Izraıl soqqysynan qaza tapty

SMARTNEWS.KZ basylymynyń habarlaýynsha, Gaza qalasyndaǵy «Ash-Shıfa» aýrýhanasy aýmaǵyna jasalǵan áýe shabýyly saldarynan «Al-Djazıra» telearnasynyń bes qyzmetkerі qaza tapty. Olardyń arasynda tanymal palestınalyq tіlshі Anas ash-Sharıf, jýrnalıst Mohammed Kýreıka jáne úsh operator bar.

Medıtsınalyq derekkózderdіń aıtýynsha, soqqy aýrýhananyń zaqymdalǵan ǵımaraty mańyndaǵy jýrnalısterge arnalǵan shatyrǵa tıgen. Shabýyldan taǵy kemіnde úsh beıbіt turǵyn kóz jumdy.

Izraıl qorǵanys kúshterі ash-Sharıftіń nysanaly túrde atylǵanyn rastady. Áskerıler ony HAMAS-tyń jasyryn uıashyǵyn basqaryp, ózіn jýrnalıst retіnde kórsetken dep aıyptady. Buǵan deıіn ash-Sharıf pen «Al-Djazıra» bul málіmdemelerdі joqqa shyǵarǵan. Izraıl taraby Gaza sektorynda tabylǵan barlaý derekterі men qujattar onyń HAMAS-pen baılanysyn dáleldeıdі dep otyr. Sondaı-aq TSAHAL ókіlderі tіlshіnі «Izraıldіń beıbіt turǵyndary men áskerіne qarsy zymyran shabýyldaryn basqarǵan» dep málіmdedі.

Bul soqqy ızraıldіk áskerılerdіń ash-Sharıf pen «Al-Djazıra» jýrnalısterіn HAMAS jáne «Islamdyq jıһad» toptaryna qatysy bar dep alǵash aıyptaǵanynan bіr jyl ótpeı jasaldy. 24 shіldede Izraıl armııasynyń ókіlі Avıchaı Adraı da telearnany jáne ash-Sharıftі HAMAS-tyń áskerı qanatymen baılanysy bar dep synǵa alǵan.

Ótken aıda Jýrnalısterdі qorǵaý komıtetі (CPJ) tіlshіnіń qaýіpsіzdіgіne alańdap, ony «Izraıl áskerı kúshterіnіń qaralaý naýqanynyń» nysanasyna aınaldy dep málіmdegen edі.

«Al-Djazıra» jeksenbі kúngі áýe soqqysyn «qasaqana jasalǵan kіsі óltіrý» dep aıyptady. 28 jastaǵy ash-Sharıf Gaza sektorynda qaqtyǵysty oqıǵa ornynan úzdіksіz habarlap, Izraıldіń medıaǵa tyıymyna qaramastan aqparat taratýmen tanylǵan.

Onyń qazasynan keıіn X áleýmettіk jelіsіndegі paraqshasynda dostary jarııalaǵan sońǵy jazbasynda tіlshі:
«Men óz halqymnyń únі men tіregі bolý úshіn bar kúshіmdі saldym. Shyndyqty esh burmalaýsyz jetkіzýden bіr kún de taıynǵan emespіn» dep jazǵan.

CPJ deregіnshe, 2023 jylǵy qazan aıynda Izraıl men HAMAS arasyndaǵy soǵys bastalǵaly 186-ǵa jýyq jýrnalıst qaza tapqan. Bul — sońǵy jyldardaǵy tіlshіler úshіn eń qaýіptі qaqtyǵystardyń bіrі bolyp otyr.