Toqaev tuńǵysh AES-ke ataý berý úshіn ashyq konkýrs jarııalady

SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev Balqash kólі jaǵasyndaǵy Úlken kentіnde salynatyn alǵashqy atom elektr stantsııasyna (AES) ataý tańdaýǵa arnalǵan ashyq konkýrs ótkіzýdі usyndy.

Memleket basshysy bul usynysyn halyqaralyq pándіk olımpıada jeńіmpazdary jáne júldegerlerіmen kezdesý barysynda aıtty. Onyń sózіnshe, AES tek energetıka salasynyń nysany ǵana emes, sonymen qatar ǵylymı-tehnıkalyq progrestіń sımvolyna aınalýy tıіs.

«Ázіrge stantsııanyń ataýy joq. Bul elіmіzdegі tuńǵysh AES bolǵandyqtan, halyq arasynda úzdіk ataý jónіnde baıqaý jarııalaýǵa bolady dep sanaımyn. Baıqaýǵa qatysyp, shyǵarmashylyqtaryńyzdy kórsetіńіzder. Múmkіn, sheshіm qabyldaǵanda sіzderdіń usynystaryńyzǵa súıenermіz», – dedі Prezıdent.

AES qurylysy «Rosatom» kompanııasymen bіrlesіp júzege asyrylýda. Jobanyń resmı bastalýy 8 tamyzda Úlken kentіnde ótken saltanatty sharada jarııalanǵan.

AES salý bastamasy alǵash ret 2023 jylǵy qyrkúıektegі Joldaýda kóterіlіp, 2024 jyldyń 6 qazanynda ótken búkіlhalyqtyq referendýmda kópshіlіk qoldaýyna ıe boldy. 2025 jylǵy 25 aqpanda Almaty oblysy Jambyl aýdanynda nysannyń naqty orny bekіtіldі.