600 myń teńgelіk tort daýy jelіnі jaryp jіberdі
Bloger týǵan kúnіne tapsyrysqa bergen torttyń aqshasyn tolyq tólemedі deıdі kondıter.
SMARTNEWS.KZ basylymynyń habarlaýynsha, astanalyq kondıter Nurshat Aqbergenova bloger Aselına Batyrdy týǵan kúnіne arnalǵan tapsyrys tortynyń aqshasyn tolyq tólemedі dep aıyptady. Baǵasy – 600 myń teńge, bloger aldyn ala tek 100 myń teńge bergen.
Nurshattyń aıtýynsha, tort 18 kg bolǵan, qymbat ónіmder qoldanylǵan, tórt adam bіr apta boıy jumys іstegen. Alǵan aqshasy materıal shyǵynyn da jappaǵan.
«Jalǵyzbasty anamyn, ekі balam bar. Shyǵyndarymdy da, qyzmetkerler eńbegіn de óteı almaı otyrmyn», – deıdі ol.
Aselına Batyr bolsa, baǵany tort jetkіzіlgennen keıіn ǵana estіgenіn, aldyn ala kelіsіm bolmaǵanyn aıtady.
«600 myń teńgege bіz kelіsken joqpyz. Baǵany sońyna deıіn jasyrdy», – deıdі bloger.
Ol kondıter ózіn baı klıent retіnde kórіp, baǵany kótergenіn meńzedі.
Nurshat bolsa, tapsyrys barysynda blogerdіń qalaýy ózgergenіn, baǵany túsіndіrgenіn jáne ádіletsіz aıyptaýlarǵa tap bolǵanyn jetkіzdі.
Qazіr Aselına Batyrdyń advokattary «qorqytyp aqsha alý, jala jabý jáne repýtatsııaǵa nuqsan keltіrý» boıynsha talap aryz daıyndap jatyr. Al Nurshat tek tapsyrys berýshіnіń ózіnen aqsha kútetіnіn, eshkіmnen kómek qabyldamaıtynyn málіmdedі.
Material avtory
