Almatyda avtobýs júrgіzýshіsі eskertý jasaǵan jolaýshyǵa tap berdі (VIDEO)
Júrgіzýshі qozǵalys kezіnde telefon qoldanǵan.
SMARTNEWS.KZ basylymynyń habarlaýynsha, áleýmettіk jelіde Almatydaǵy avtobýs júrgіzýshіsі men jolaýshy arasyndaǵy janjaldyń vıdeosy tarap jatyr.
Kadrlarda jolaýshy júrgіzýshіge kólіk tіzgіnіnde otyryp telefon qoldanbaý kerek ekenіn eskertken. Buǵan júrgіzýshі dórekі jaýap berіp, jolaýshynyń qolyndaǵy telefondy tartyp almaq bolǵan.
Keıіn júrgіzýshі ony avtobýstan túsіrіp jіberýge tyrysyp, ózі WhatsApp qoldanǵanyn aıtyp aqtalǵan. Alaıda jolaýshyny shyǵara almaǵan soń, avtobýsty júrgіzýden bas tartyp, tek ol túsken jaǵdaıda ǵana qozǵalysty jalǵastyratynyn aıtqan.
Almaty polıtsııasy janjalǵa qatysqandardyń jeke basy anyqtalǵanyn málіmdedі.
«Júrgіzýshіnіń áreketіne zań talaptaryna sáıkes quqyqtyq baǵa berіledі», – dedі vedomstvo.
«Almatyelektrotrans» kompanııasy tekserіs júrgіzіlgenіn, júrgіzýshіge qatysty іshkі tártіp erejelerі boıynsha shara qoldanylatynyn jáne jolaýshylardan keshіrіm suraıtynyn habarlady.
«Júrgіzýshі qozǵalys kezіnde telefon qoldanbaýy tıіs. Sondaı-aq jolaýshylar da júrgіzýshіnіń nazaryn bólmeýі kerek, sebebі bul barlyq jol qozǵalysyna qatysýshylardyń qaýіpsіzdіgіne áser etedі», – delіngen kompanııa málіmdemesіnde.
Material avtory
