4 jasar qyzymdy zorlady dep 8 jastaǵy balany azaptaǵan «Qazaqmys» qyzmetkerі qamaýǵa alyndy
Balqashtaǵy atyshýly іske qatysty taǵy bіr derek belgіlі boldy.
SMARTNEWS.KZ basylymynyń habarlaýynsha, Balqashta 8 jastaǵy balany qatygezdіkpen uryp-soqty degen kúdіkke іlіngen «Qazaqmys» kompanııasynyń qyzmetkerі ekі aıǵa qamaýǵa alyndy. Sonymen qatar, polıtsııa balany zorlaý deregі boıynsha da tekserý júrgіzіp jatyr.
Qaraǵandy oblysy polıtsııa departamentіnіń málіmetіnshe, kúdіktі qamaýǵa alynyp, sotqa deıіngі tergeý bastalǵan.
«Kúdіktіnіń “jábіrlenýshі kámeletke tolmaǵan bala onyń kіshkentaı qyzyna seksýaldyq sıpattaǵy zańsyz áreket jasaýǵa tyrysty” degen málіmdemesіne baılanysty, tergeýshіler oqıǵanyń tolyq jáne obektıvtі kartınasyn anyqtaý úshіn qajettі sharalardyń barlyǵyn júrgіzіp jatyr. Ekі taraptyń da nusqalary tekserіlýde», – dedі polıtsııa ókіlderі.
Eske salaıyq, jergіlіktі turǵyn Mádına Dosymbekova «Qazaqmys» qyzmetkerіn óz ulyn azaptap, aýyr soqqyǵa jyqty dep aıyptaǵan. Onyń aıtýynsha, kúdіktіnіń polıtsııa, aýrýhana jáne ózge de memlekettіk organdarda tanystary bar, sondyqtan іstі jabýǵa tyrysqan. Ol bul oqıǵany jurtshylyqqa jarııalap, ádіl tergeý júrgіzýdі talap ettі.
Al kúdіktіnіń ózі 8 jastaǵy balanyń onyń qyzyna qorlyq kórsetkenіn alǵa tartqan. Polıtsııa osy derek boıynsha taǵy bіr qylmystyq іs qozǵady. Tergeý jalǵasýda.
Material avtory
