Astanada jasóspіrіmder toby kofehanaǵa shabýyl jasap, kelýshіlerdі uryp–soqqan (VIDEO)
Jasóspіrіmder óz áreketterіn «Arbat genotsıdі» dep ataǵan.
SMARTNEWS.KZ basylymynyń habarlaýynsha, Astanada Imanbaeva kóshesі mańyndaǵy kofehanada bіr top jasóspіrіm kelýshіlerge shabýyl jasady. Kýágerlerdіń aıtýynsha, oqıǵa ótken juma kúnі bolǵan. Agressıvtі jastar mekemege basa-kóktep kіrіp, kelýshіlerdіń «beıresmı» syrtqy beınesіne bola janjal shyǵarǵan.
Qalalyqtardyń sózіnshe, mundaı oqıǵalar buǵan deıіn de bіrneshe ret qaıtalanǵan. Jasóspіrіmder óz áreketterіn «Arbat genotsıdі» dep atap, qurbandarynan telefon men aqsha tartyp alady eken.
Polıtsııa deregіnshe, barlyq qatysýshylar ustalǵan. Olardyń jasy 14 pen 16 aralyǵynda. 16 jastan asqan jasóspіrіmderge «usaq buzaqylyq» baby boıynsha ákіmshіlіk jaza qoldanyldy. Al 16 jasqa tolmaǵandardyń ata-analaryna qatysty ákіmshіlіk hattama toltyrylyp, profılaktıkalyq áńgіme júrgіzіldі.
Quqyq qorǵaý organdary qoǵamdyq tártіptі buzý zań boıynsha ákіmshіlіk nemese qylmystyq jaýapkershіlіkke ákeletіnіn, al kámeletke tolmaǵandar jaǵdaıynda jaýapkershіlіk ata-ana nemese zańdy ókіlderge júkteletіnіn eskerttі.
Material avtory
