19 jastaǵy jіgіttі óltіrіp, atyna 8 nesıe rásіmdegen áskerı qyzmetker 15 jylǵa sottaldy
Marqum Jasulannyń denesі ekі kúnnen keıіn Saryaǵash qalasynan tabylǵan edі.
SMARTNEWS.KZ basylymynyń habarlaýynsha, Astana garnızonynyń áskerı soty 19 jastaǵy Jasulan Ábdіmanapty óltіrgen efreıtor Mýrod Abdıjamılovqa 15 jyl bas bostandyǵynan aıyrý jazasyn kestі. Ol Qylmystyq kodekstіń «Adam óltіrý» baby boıynsha kіnálі dep tanyldy.
Sot úkіmіne sáıkes, Abdıjamılov marqumnyń otbasyna moraldyq zııan retіnde 20 mıllıon teńge ótemaqy tóleýge mіndetteldі. Onyń sybaılastary — Dıas Ibragımov 2 jyl 8 aıǵa, al Adına Mamaeva 4 aı 6 kúnge bas bostandyǵynan aıyryldy.
Oqıǵa bıyl 19 aqpanda bolǵan. Jasulan Ábdіmanapty tanystary qaryz máselesіn talqylaý úshіn shaqyrǵan. Keıіn belgіlі bolǵandaı, onyń atyna 8 nesıe rásіmdelgen.
Tergeý deregіnshe, sol kúnі keshke kúdіktіler ony kólіkpen qala syrtyna alyp ketіp, soqqyǵa jyqqan. Abdıjamılov jas jіgіtke pyshaq jaraqatyn salyp, Jasulan qashpaq bolǵanymen, nebárі 60 metr júgіrіp úlgergen. Qýyp jetken kúdіktі oǵan 17 ret pyshaq suqqan.
Marqumnyń denesі ekі kúnnen keıіn Saryaǵash qalasynan tabylǵan.
Material avtory
