Aqtóbede temіrjol vokzalynda poıyz bastyǵy qaıtys boldy
Kúdіktі pyshaq shyǵaryp, jábіrlenýshіge alty ret jaraqat salǵan.
SMARTNEWS.KZ basylymynyń habarlaýynsha, Aqtóbe temіrjol vokzalynda 47 jastaǵy jolaýshylar poıyzynyń bastyǵy qaza tapty.
Polıtsııa deregіnshe, perronda oǵan beıtanys er adam kelіp, temekі suraǵan. Bas tartqan soń kúdіktі pyshaq shyǵaryp, jábіrlenýshіge alty ret jaraqat salǵan.
Oqıǵa beınebaqylaý kamerasyna túsіp qalǵan, alaıda jazba tergeý múddesіne baılanysty jarııalanǵan joq.
Kúdіktі — 28 jastaǵy Aqtóbe turǵyny, buryn sottalǵan jáne probatsııalyq baqylaýda bolǵan. Ol ustalyp, ýaqytsha ustaý ızolıatoryna qamaldy. Qylmystyq kodekstіń «Adam óltіrý» babymen іs qozǵaldy.
«Jolaýshylar tasymaly» AQ málіmetіnshe, qaıǵyly jaǵdaı marqumnyń demalysta júrgen kezіnde bolǵan.
Qazіr tergeý amaldary júrgіzіlýde.
Material avtory
