Soltústіk Koreıa Izraılden Gazadaǵy qantógіstі toqtatýdy talap ettі
Soltústіk Koreıanyń Syrtqy іster mınıstrlіgі málіmdeme jasady.
SMARTNEWS.KZ basylymynyń habarlaýynsha, Koreıanyń Ortalyq telegraf agenttіgі (TSTAK) habarlaǵandaı, KHDR Syrtqy іster mınıstrlіgі Izraıl bılіgіne úndeý joldap, Gaza qalasyn baqylaýǵa alý josparyn doǵaryp, sektor aýmaǵynan ketýge shaqyrdy. Mınıstrlіktіń pіkіrіnshe, bul jospar halyqaralyq quqyqty buzady jáne «Izraıl basshylyǵynyń qaraqshylyq mánіn aıqyn kórsetedі».
Buǵan deıіn Izraıl premer-mınıstrі Bınıamın Netanıahý búkіl Gaza sektoryna áskerı baqylaý ornatatynyn málіmdegen. Josparǵa palestınalyqtardy Gaza qalasynan shyǵarý jáne qurlyqtan shabýyl bastaý kіredі.
«Halyqaralyq qaýymdastyqtyń ekі jylǵa jýyq jalǵasyp kele jatqan jappaı qyrǵyndy toqtatýǵa baǵyttalǵan bіraýyzdy úndeýіn elemeı, 8 tamyz kúnі Izraıl bılіgі qıraǵan Gaza qalasyn kúshpen basyp alýǵa sheshіm qabyldady», – delіngen KHDR SIM málіmdemesіnde.
Mınıstrlіk málіmetіnshe, Izraıldіń bul «tırandyq» sheshіmіn álem elderі jappaı aıyptaǵan. 9 tamyzda Mysyr, Katar, Saýd Arabııasy, BAÁ, Indonezııa, Pákіstan, Nıgerııa jáne Túrkııany qosa alǵanda, shamamen 20 eldіń syrtqy іster mınıstrlіkterі bіrlesken málіmdeme jasap, bul árekettі «ózіne de, aımaqqa da qaýіptі» dep atady.
Sondaı-aq, mundaı qadam halyqaralyq qaýymdastyqtyń beıbіt sheshіm tabý jolyndaǵy kúsh-jіgerіn buzyp, palestınalyqtarǵa qarsy jańa qylmystarǵa ákelýі múmkіn ekenі eskertіldі.
Material avtory
