Mańǵystaýda jasóspіrіm ákesіnіń «Gazel» aıdap, 14 jastaǵy qyzdy qaǵyp ketken

SMARTNEWS.KZ basylymynyń habarlaýynsha, Fort-Shevchenkoda 8-synypta oqıtyn jasóspіrіm ata-anasynyń «Gazel» kólіgіn ruqsatsyz mіnіp, jaıaý júrgіnshіnі qaqty. Jaraqat alǵan 14 jastaǵy qyz bes kún jansaqtaý bólіmіnde jatyp, aýyr ota jasatqan.

Lada.kz málіmetіnshe, oqıǵa 25 maýsymda bolǵan. Bіraq oqıǵanyń beınejazbasy áleýmettіk jelіde tek tamyzdyń basynda tarady. Kadrda júk kólіgіnіń adamdar arasynan ótіp, jaıaý júrgіnshіler jolaǵynda qyzdy qaǵyp ketkenі kórіnedі.

Polıtsııanyń aıtýynsha, rólde 2010 jyly týǵan jasóspіrіm bolǵan. Qyzdy qaqqan soń, ol oqıǵa ornynan qashyp ketken. Jábіrlenýshі bіr aı boıy tek tútіk arqyly tamaqtanyp, qozǵala almaǵan. 28 shіldege deıіn aýrýhanada em qabyldaǵan.

Tergeý kezіnde balanyń kólіktі ata-anasynyń ruqsatynsyz aıdap ketkenі anyqtaldy. Ata-anasyna qatysty QR ÁQBtK 127-baby («Kámeletke tolmaǵan balanyń qaýіpsіzdіgіn qamtamasyz etpeý») boıynsha 10 AEK kólemіnde aıyppul salyndy.

Al júrgіzýshіnіń ózіne QR QK 345-baby («Jol qozǵalysy erejesіn buzý, abaısyzda densaýlyqqa ortasha zııan keltіrý») boıynsha іs qozǵaldy. Bul bap boıynsha 160 AEK-ke deıіn aıyppul, túzetý nemese qoǵamdyq jumystar, 40 táýlіkke deıіn qamaý, ne belgіlі bіr qyzmetpen aınalysý quqyǵynan aıyrý jazasy qarastyrylǵan.