Jusan Bank-tіń qazіrgі qarjylyq jaǵdaıy belgіlі boldy
Taldaý barysynda «Jusan» tobynyń aktıvterіn basqarý qurylymyn ózgertýdіń kóleńkelі shemasy anyqtaldy. Al bıyl aqpanda atalǵan banktіń keıbіr aktsııalary buǵattaldy. Osy oraıda Qarjy naryǵyn retteý jáne damytý agenttіgі banktіń qazіrgі jaǵdaıyna baǵa berdі, dep habarlaıdy smartnews.kz saıty.
«Jusan Bank-tіń qazіrgі qarjy jaǵdaıy turaqty. Aktıvter boıynsha elіmіzdegі 23 banktіń arasynda 6-orynda. Atalǵan banktіń aktıvі - 2,6 trln teńge, al onyń ótіmdіlіgі - 1,4 trln teńge. Kapıtal koeffıtsıentterі - 33%, bіzdіń agenttіk tarapynan qoıylatyn mınımaldy talap - 7,5%», – dedі Qarjy naryǵyn retteý jáne damytý agenttіgі tóraǵasynyń orynbasary Oljas Qızatov OKQ-de ótken brıfıngіde.
Onyń aıtýynsha, kapıtal jáne ótіmdіlіk boıynsha atalǵan banktіń jaǵdaıy óte jaqsy.