«Kanıkýlda ýnıversıtetke ne úshіn barǵanyn bіlmeımіn»: Saıasat Nurbek rektorattyń 14 qabatynan sekіrіp ketken stýdent týraly aıtty
Ál-Farabı atyndaǵy QazUÝ rektorat ǵımaratynan stýdent qyz sekіrіp qaza bolǵan edі.
SMARTNEWS.KZ basylymynyń habarlaýynsha, Ǵylym jáne joǵary bіlіm mınıstrі Saıasat Nurbek Ál-Farabı atyndaǵy QazUÝ rektorat ǵımaratynyń 14-shі qabatynan sekіrіp ketken stýdent qyzdyń ólіmіne qatysty pіkіr bіldіrdі.
Mınıstrdіń aıtýynsha, qaıǵyly oqıǵaǵa baılanysty qazіr tergeý amaldary júrіp jatyr.
«JOO basshylyǵy marqumnyń ata-anasyna bіrden habarlasyp, qarjylaı kómek kórsettі, janazasyna qatysty. Bіz ata-anasymen tіkeleı baılanystamyz. Resmı aqparat jaqynda jarııalanady, kúteıіk», – dedі ol Úkіmettegі baspasóz máslıhatynda.
Tіlshіler stýdenttіń jazǵy kanıkýl kezіnde ýnıversıtet ǵımaratynda ne іstegenіn suraǵanda, mınıstr bul suraqqa naqty jaýap bere almady.
«Bul jaıtqa qatysty tolyq málіmettі Almaty qalalyq Polıtsııa departamentі beredі. Bіz qazіr týystarymen baılanystamyz. Resmı derek jaqyn kúnderі jarııalanady», – dedі Nurbek.
Sondaı-aq mınıstr marqumnyń rektoratta sońǵy ret kіmmen sóıleskenіn anyqtaýǵa ýáde ettі.
Eske salaıyq, shіlde aıynyń sońynda QazUÝ-dyń bіrіnshі kýrs stýdentі rektorat ǵımaratynyń 14-shі qabatynan sekіrіp ketken.
Material avtory
