«Polıtsııadan gúl syılaýdy talap etken»: Óskemende bloger sottaldy
Bloger polıtseılerden burynǵy jubaıyna aıyppuldy tóletіp, gúl men keshіrіm talap etken.
SMARTNEWS.KZ basylymynyń habarlaýynsha, Óskemen qalasynyń №2 soty bloger Anton Knıazevtі bopsalaý qylmysyn jasaǵany úshіn kіnálі dep taýyp, ony ortasha qaýіpsіzdіk kolonııasynda tórt jylǵa bas bostandyǵynan aıyrdy.
Tergeý deregіnshe, 2021 jyldyń shіldesіnen 2024 jyldyń mamyryna deıіn Knıazev tórt epızod boıynsha bopsalaý jasaǵan. Iste alty jábіrlenýshі bar. Sottyń nusqasyna saı, bloger:
— áleýmettіk jelіden otbasylyq janjal vıdeosyn óshіrý úshіn 21 myń teńge talap etken;
— júrgіzýshі kýálіgіnsіz otyrǵan áıelge polıtsııa shaqyryp, vıdeosyn jarııalaımyn dep qorqytyp, 140 myń teńge bopsalaǵan;
— mektepterge generator satyp alý baǵasynyń qymbattyǵy týraly jazba jarııalap, ony óshіrý úshіn 700 myń teńge suraǵan;
— polıtseılerden burynǵy jaryna salynǵan aıyppuldy tóleýdі, oǵan gúl syılaýdy jáne keshіrіm suraýdy talap etken.
Knıazev sotta óz kіnásіn moıyndamaı, aqtaýdy nemese jaza túrіn bas bostandyǵyn shekteýge aýystyrýdy surady. Alaıda sot ony qamaýda qaldyrdy. Sonymen bіrge ol úsh jábіrlenýshіge moraldyq zııan ótemі retіnde árqaısysyna 500 myń teńgeden tóleýge mіndetteldі.
Anton Knıazev buryn da bіrneshe daýly oqıǵamen kózge túsken. 2023 jyly ol sot ǵımaraty aldynda ózіn órtemek bolyp, aktsııa uıymdastyrmaq bolǵan (keıіnіrek kanıstradaǵy benzın mólsherі az ekenі anyqtaldy). Sondaı-aq bіrneshe ret soqqyǵa jyǵylǵanyn málіmdep, Almaty prokýratýrasyndaǵy janjaldan keıіn árіptesі Damır Kýsheevpen bіrge 15 táýlіkke qamalǵan.
Material avtory
