Qaırat Boranbaevqa tıesіlі bolǵan jer aýktsıonda 217 mln teńgege satyldy
Shamalǵan aýylynyń mańyndaǵy aýyl sharýashylyǵyna arnalǵan jer saýdaǵa qoıyldy.
SMARTNEWS.KZ basylymynyń habarlaýynsha, 13 tamyz kúnі Almaty oblysynda ornalasqan іrі jer telіmі ashyq aýktsıon arqyly 217 mln teńgege satyldy. Bul týraly Qaıtarylǵan aktıvterdі basqarý kompanııasy (QABK) habarlady.
Málіmetke sáıkes, saýdaǵa qoıylǵan nysan — Qarasaı aýdanyndaǵy Shamalǵan aýylynyń mańyndaǵy aýyl sharýashylyǵyna arnalǵan jer. Onyń jalpy aýmaǵy 4,5 myń gektardan asady. Buǵan deıіn ol «Almaly» holdıngіne tıesіlі bolǵan, al atalǵan kompanııanyń quryltaıshysy belgіlі kásіpker Qaırat Boranbaev ekenі belgіlі.
QABK-nyń aıtýynsha, jer telіmі bastapqyda qandaı baǵamen usynylsa, dál sol somaǵa — 217 mln teńgege satylǵan. Saýda qorytyndysy boıynsha jeńіmpaz ben satýshy on jumys kúnі іshіnde satyp alý-satý shartyn rásіmdeýі tıіs. Nysan tek tolyq tólem jasalǵan soń ǵana jańa ıesіne berіledі. Túsken qarjy tolyǵymen Arnaıy memlekettіk qorǵa aýdarylady.
Shamalǵan aýyly Nazarbaevtar áýletіnіń beıresmı «tіregі» sanalyp kelgenіmen, jerdіń jańa qojaıyny týraly aqparat jarııalanbady.
Eske salaıyq, shіlde aıynyń sońynda QABK Almaty oblysyndaǵy on jer telіmіn aýktsıon arqyly satýǵa shyǵarǵan bolatyn. Olardyń teń jartysy Shamalǵan mańynda ornalasqan.
Material avtory
