«Ýkraınasyz eshteńe sheshіlmeıdі»: Kıev odaqtastary AQSh-qa beıbіtshіlіkke aparar joldy aıtty

SMARTNEWS.KZ basylymynyń habarlaýynsha, AQSh prezıdentі Donald Tramp pen Reseı prezıdentі Vladımır Pýtınnіń Alıaskadaǵy kezdesýі qarsańynda Ýkraına prezıdentі Vladımır Zelenskıı men onyń halyqaralyq odaqtastary beıbіt kelіsіmge kelý úshіn oryndalýy tıіs negіzgі sharttardy jarııa ettі.

Berlınnen onlaın formatta ótken jıynǵa Ýkraına basshysy, bіrqatar Eýropa jáne NATO elderіnіń lıderlerі qatysty. Olar AQSh prezıdentі Donald Tramp pen vıtse-prezıdent Djeı Dı Venske Ýkraınanyń múddesі men qaýіpsіzdіgі eskerіlmeıіnshe, Reseımen bіtіm týraly áńgіme júrgіzý múmkіn emestіgіn jetkіzdі.

Basty talaptar mynadaı:

1. Ýkraınasyz kelіssóz júrgіzіlmeıdі.
   «Bіz úshjaqty formatty qoldaımyz. Atysty toqtatý jáne qaýіpsіzdіk kepіldіgі bolýy kerek. Prezıdent Tramp bul usynystardy qoldaıtynyn aıtty», – dedі Zelenskıı.

2. Qazіrgі maıdan shebі – kelіssózdіń bastapqy núktesі.
   Germanııa kantslerі Frıdrıh Mertstіń aıtýynsha, Reseı basyp alǵan aýmaqtardy zańdy túrde taný múlde qarastyrylmaıdy.

3. Qaýіpsіzdіk kepіldіkterі.
   Ýkraına basshysy Aq úı bul máselede Kıevpen bіr pіkіrde ekenіn aıtty. Frantsııa prezıdentі Emmanýel Makron da bul ustanymdy bólіstі: «Bul – Eýropanyń óz problemasy. Ýkraına – orys ımperıalızmіne qarsy aldyńǵy shep. Olar 2008 jyly Kavkazda bastaǵan, árі qaraı da júre berýі múmkіn», – dedі ol.

4. Sanktsııalardy kúsheıtý.
   Kıev pen onyń odaqtastary, eger Reseı atysty toqtatýdan bas tartsa, oǵan qysymdy arttyrý qajet ekenіn aıtty. Zelenskııdіń sózіnshe, sanktsııalar Máskeýdіń áskerı ekonomıkasyna soqqy berіp otyr: «Pýtın beıbіtshіlіktі qalamaıdy, ol elіmіzdі basyp alǵysy keledі».

Kantsler Merts Alıaskadaǵy sammıtte Eýropa men Ýkraınanyń іrgelі qaýіpsіzdіk múddelerі saqtalýy tıіs ekenіn, bul baǵytta AQSh-pen ortaq mámіlege kelgenderіn jetkіzdі.